اعرف/ي الأساسيات

التحرش الجنسي جريمة.

التحرش الجنسي مش هينتهي إلا لما المتحرشين يبطلو وده مش هيحصل إلا لما كلنا نبطل نتجاهل التحرش الجنسي ونبرر للمتحرشين أفعالهم ونتسامح معاها.

التحرش الجنسي هو

أي شكل من أشكال الكلام و/أو الأفعال غير المرغوب فيها ليها طبيعة جنسية تنتهك جسم الانسان أو خصوصيته أو مشاعره وتخليه يشعر بالضيق أو التهديد أو عدم الأمان أو عدم الاحترام أو الصدمة أو الإهانة أو الخوف أو الأذى أو الإساءة أو إنه بيتعامل كحاجة مش كبني آدم.

تعريف مفصل

التحرش الجنسي ممكن يكون لفظي أو جسدي أو بالإشارات أو بالحركات. وهو شكل من العنف الجنسي.

التحرش الجنسي وغيره من أشكال العنف الجنسي ممكن يحصل في المجال العام أو الخاص. والمتحرشين ممكن يبقو أفراد أو مجموعات من الرجال و/أو النساء. المتحرش ممكن يبقا حد منعرفوش خالص أو حد نعرفه. الناس اللي بيحصل لهم تحرش ممكن يبقو أفراد أو مجموعات من كل أنواع الستات و/أو الرجالة ومنهم الأطفال.


التدخل هو

أي أفعال أو كلمات أو سلوكيات توضح للمتحرش و/أو الناس اللي واقفين إن التحرش مش مقبول و/أو تدعم اللي بيتعرض لتحرش.

مثلا: ممكن تعرض/ي المساعدة على اللي بيتعرضو لتحرش أو تقول/ي للمتحرش يبطل أو تنبه/ي الناس اللي في الشارع للموقف.

نصايح أكتر