ما هو التدخل

أي أفعال أو كلمات أو سلوكيات بتوضح للمتحرشين والمارة وكل أعضاء المجتمع في أي سياق إن التحرش الجنسي مش مقبول وبتدعم الناس اللي بتتعرض لتحرش.

مثلا: نسأل اللي بيحصل لهم تحرش لو كانوا محتاجين مساعدة أو نقول للمتحرش يبطل أو ننبه الناس اللي ماشية في الشارع للموقف.

كل مرة بتتكلم/ي أو تتدخل/ي حد تاني هيشوفك وممكن يتأثر بيك/ي ويعمل زيك المرة الجاية. المتحرش هيدرك برضو إنه مش دايما هيفلت بعملته.
كل بلاغ لخريطة التحرش دليل إن التحرش الجنسي مشكلة كبيرة وإنها بتأثر على كل الناس وإن كتير مننا مبقوش قابلينها خلاص.
كل مرة بنتكلم عن التحرش الجنسي الناس التانية بتعرف إنه بيحصل لكل الناس وإن الكلام عنه مش عيب وإن لازم يكون لهم دور في مواجهته.
كل بلاغ للشرطة بيثبت إن التحرش الجنسي جريمة وإن بيترتب عليها حاجات خطيرة.