كل مرة كنت بتعرض للتحرش سواء بالكلام او النظر, كان بيبقى ليا رد فعل قوي جدا كان بيوصل للضرب وكان بيحصل اصابات كتير للمتحرش نتيجة ده وكنت بحس اني اخدت حقي وببقى فرحانة كتير بعديها .. بس المره دي انا مش عارفة ايه اللي حصل اصلا !!
كنت راكبة اتوبيس ورايحة وسط البلد انا واختي, بس اختي كانت قاعدة في الكرسي اللي قدامي وفجأة الاتوبيس ابتدا يتزحم وكان في ناس بتقف قدامي ومن ضمنهم جيه راجل كبير في السن يمكن اكبر من ابويا .. قلت لنفسي عادي وكنت بفكر اقوم ليه علشان يقعد بس لاحظت ان الاتوبيس ابتدا يخف وهو زي ماهو مابيتحركش.. كنت ماسكة الموبيل بتاعي وقلت عادي بردو ومن وقت للتاني كنت ببص عليه بأستغراب وكنت حاسة ان فيه حاجة غريبة وفجأة عيني وقعت ع البنطلون بتاعو وكانت السوستة مفتوحة!!
مصدقتش نفسي وابتديت اتأكد وجسمي كلو تلج ونمل بصيتلو جامد وانا مش عارفة اتصرف ازاي لقيتو اخد بالو ونزل من الاتوبيس (جري) !!
انا نفسي اعمل حاجة.. نفسي أئذيه بأي حاجة بس مش عارفة ازاي
انا كرهت نفسي وكرهت الناس بعديها بجد