في التحرير ووسط البلد, القاهرة, القاهرة (30.060890 31.246490)
أنا تم التحرش بيا كتير جدا خصوصا في وسائل المواصلات وساعات في الشارع وكل مرة كنت بضرب اللي بيتحرش بيا، مرة بالألم على وشه ومرة بخبطه على دماغه جامد وهو قاعد ومرة بشنطة مليانة كتب رزعتها في دماغه وكتير بشتمهم وافضحهم وسط الناس وبكل ثقة ومفيش ولا مرة حد فيهم قدر يعمل معايا حاجة وتقريبا كلهم بيتكسفوا وينزلوا من المواصلة أو بيبجحوا شوية وبعدين يسكتوا وبردو ينزلوا ومرة كنت في المترو وواحد ركب عربية السيدات وفضل يقل أدبه وكان هيضربني لما شتمته ووقفتله المترو وندهت الأمن وخلوه يدفع غرامة كبيرة لتأخير المترو وكان هيتجنن. وعلى فكرة محدش بيتدخل خالص سواء ستات أو رجالة كلهم بيتفرجوا وهما ساكتين. وعلى فكرة كمان أنا لو حصلي تحرش تاني وبشكل سافر أنا ممكن أأذي المتحرش بأي شكل حتى لو وصلت لدم. ويا ريت كل بنت يحصلها تحرش متسكتش ومتتكسفش ولازم تفضح المتحرش علشان يفكروا ألف مرة قبل ما يتحرشوا بأي واحدة.
نحتاج منك تسجيل الدخول للتعليق. تسجيل الدخول من هنا.