في Alshohdah metro station, Ramsis, Cairo, Cairo (30.055070 31.240560)
انا في اولى كلية.. كنت راجعة من كليتي رايحة البيت بالمترو.. في محطة الشهداء بحول لاتجاه حلوان... وقفت في قسم السيدات عشان لما ييجي المترو اركب وانا واقفة لقيت شاب وقف جمبي وقعد يقرب شوية شوية.. "مع العلم اني انا كنت واقفة في قسم السيدات" وكان هيبدا يتحرش بيا بس لما لقيتو بيقرب جامد لغاية مارجلو لمستني بالكامل رحت انا بعدت شوية.... لاقيتو بكل وقاحة عمال يقرب تاني... وتالت لحد ما فاض بيا وخوفت جدا بصراحة عشان كنت لوحدي ف قررت ما اتكلمش واكتفي باني ابعد من المكان كلو وارتاح.. بعدت بعيد... وقعدت اراقبو من بعيد بخوف لقيتو بيعمل كدة مع واحدة تانية زعلت وقتها اني متكلمتش,,, لاني على الاقل بسكوتي ده خليتو يإذي واحدة تانية.. وقررت اني بعد كدة مسكتش ابدا مهما حصل... اللي زي دول الواحد لازم يبلغ عنهم عشان ميإذوش ناس تانية كتير
هي تقريبا كانت في نص شهر 3 لانو حصل ف الترم التاني.. كانت العصر يعني الساعة 4 تقريبا مش فاكرة اوي بصراحة.. وسن الشاب تقريبا ف اواخر العشرينات.. ممكن 27 او 29... وانا عندي 19 سنة ولسة مخلصة سنة اولى كلية
نحتاج منك تسجيل الدخول للتعليق. تسجيل الدخول من هنا.