في Ain Shams University, 6th of October, Al-Demerdash, Hadaiq al Qubbah, Cairo, Cairo (30.076690 31.285330)
عاوزه أحكيلكم يا جماعة عن موقف حصل معايا امبارح داخل جامعة عين شمس
كنت ماشية فالجامعة رايحة أقابل أصحابي ونطلع المحاضرة وألاقي في وشي شخص منفعش أوصف إنه شاب أو راجل أو أي حاجة مذكر خالص هو كان لابس بنطلون ضيق و قصير وشعره 3 متر فوق راسه ونضارة شمس أكبر من وشه و جزمة من غير شراب وعامل فيها شاب كول بقى و وقف قدامي ومش عايز يعديني لزق فيا وايده خلاص كان هيحضني رحت زقيته وجريت على باب الجامعة أشوف مي
ن مسئول الأمن هناك قالولي روحي لأستاذ فلان الفلاني في المكتب إلي هناك ده رحتله و قلتله في حد بيضايقني قالي فين وخرج معايا كان طبعاً الكائن ده مشي بعد ما بصلي وهو فرحان جداً بالي عمله وأصحابه قاعدين يضحكه ويطلعولي لسانهم وطبعاً أستاذ فلان قالي خلاص لو شفتيه تاني تعالي قليلي على طول قلتله حاضر ومشيت وراء أصحاب الكائن ده لحد ما شفته ووقفت صحبتي عنده وقلتلها استني أنا حاروح انده الأمن وفعلا رحت بس أستاذ فلان قالي امشي أنا مش فاضيلك.
إتنرفزت قوي بقى عشان أنا حقي لازم يتجاب رحت قعدت أسأل في الجامعة مين قائد الحرس لحد ما وصلتله والرجل كان حد محترم جداً ومتفاهم نزل معايا أفراد من الأمن و قللهم لفو الجامعة لحد ما تجيبه وفعلاً شاورت عليه وجابه أصحابه قالو منعرفوش ومالناش دعوة بيه وطلعو يجرو كلهم جريوا وراهم الأمن وجابو الشخص ده فعلاً ولما سألوه إنت من كلية ايه قال أنا طالب ثانوىه عامة وجي اتفسح مع أصحابي في الجامعة ونروش ومكنش معاه أي إثبات شخصية ولا حتى بطاقة ومش هعرف أوصفلكم ازاي كان بعيتط ويعتذر ويقولي انتي هتضيعي مستقبلي انتي معندكيش إخوات قلتله لأ عندي وإنت كمان عندك إخوات بنات ومترضاش يحصل فيهم كدا وفعلا اخدوه على القسم وعملت محضر
إلي ينرفز بقى إن من ضمن الناس إلي مشيت أسألهم فين قائد الحرس أو مسئول الأمن ويسألوني خير وأحكيلهم إلي يقلي عادي معملش حاجة كبيرة يعني على كل ده وإلي يقولي هو انتي مصرية؟! أصل المصرية إتعودت على كدة وإلي يقولي متفضحيش نفسك وتقولي طالب اخدني بالحضن في وسط الجامعة هيبقى منظرك ايه وإلي يقول معلش يابنتي الشيطان غواه بس برده فضلت أسأل لحد ما عرفت أجيب حقي عشان أبسط حقوقي في البلد دي اني أنزل من بيتنا في سلام وأروح الجامعة أتعلم وأنا حاسة بالأمان مش كل واحد يجي يتسلى عليا شوية لمجرد اني بنت ماشية من غير راجل
بجد أحسن إحساس في الدنيا انك تعرف تاخد حقك حتى لو كل الدنيا ماشية بالعكس smile
م. ب. م.
نحتاج منك تسجيل الدخول للتعليق. تسجيل الدخول من هنا.