في نادي الشمس للألعاب الرياضية, قسم النزهة, Cairo, Cairo (30.118470 31.356770)
كنت نازلة الدرس انا و اتنين صحابي وكالعادة واقفنا تاكسي قالتله المكان قالللي ماشي واحنا بنركب قال " ليه كدة ما واحدة فيكو تيجي تقعد قدام" عملت نفسي مسمعتوش الطريق مكنش طويل واحنا قاعدين نتكلم عادي بس انا قاعدة مراقباه عمال في المرايا يبص على جسمنا وانا احاول اداري بشطنتي وكل ما اقوله يدخل من مكان لمكان يقول "ايه؟" واعيدله تاني المهم وصلنا ونزلنا وهو بيبص علينا وقفنا نتطلع الفلوس وانا كنت متأكدة انه هيحاول يلمس ايدي وانا بديله الفلوس الحساب كان اتناشر جنيه اديتاله العشرة والجنيه من غير ما يعرف يلمس ايدي ولاقيته بيبص بصات غريبة قمت رامياله الجنيه على الكرسي اللي جنبه ومشيت راح اتعصب وفضل يزمر ويقولي "ايه قلة الذوق دي ويه" بهستريا غير طبيعية ويقولي "يا اللي معندكيش دم...."
انا مضايقنيش ان حيوان زي ده يقولي كدة اللي ضايقني ان حيوان زيه ماشي في الشارع اصلا
يعني عمل كدة لمجرد انه بس معرفش يلمس ايدي يعني ده لو شرب حاجة ونزل ممكن يرتكب بلاوي اكتر من كدا في بنات غيري
مش عارفه برضه افقد الامل في البلد دي وانا لسةعندي 17 سنة ولا اعمل ايه
للاسف معرفتش كمان اخد ارقام عربيته
ومن اكتر الحاجات اللي مضايقني اني بكتب ومش بقول انا مين جبانة مع اني المجني عليه!
نحتاج منك تسجيل الدخول للتعليق. تسجيل الدخول من هنا.