حدثت هذه الواقعة تم التدخل فيها في 27/09/2019 في 9:00PM

في al sharqaweya st, Shibin Al Qanater (30.309700 31.314750)

كان طفل صغير سن ابتدائي راكب عجلة، وفضل يقرب بعجلته، بصيناله وسكتنا، طالما ماشي مش بيعمل حاجة. لقانا سكتنا تمادى، وفضل متتبعنا ويلف ورانا بعجلته فترة، وبعدها ابتدا يرمي كلام، اغلبه مفهمنهوش، بس اللي لقطناه منه، كان سباب، وبيحمل طابع جنسي، وبيقولنا "هعمل معاكو الغلط".. انا فضلت محافظة على هدوئي، كان ممكن اخد اي رد فعل عنيف تجاهه، بس عملت حساب انه طفل، فصاحبتي، ردت عليه بهدوء وبتحاول تكلمه يعني ع اللي هو بيعمله، تمادى اكتر، وكرر نفس الالفاظ اللي بيقولوها ف الشارع، ف مسكته بعنف كده من ياقة التيشرت بتاعه.. مشي بسرعة بالعجلة بتاعته، ورجع هو وواحد صاحبه، ومعاهم طوب احمر كبير بيحدفوه علينا، ويقولولنا "امشي يابنت الوسخة من هنا"، ولو كنا مشينا عادي وتجاهلنا، كان ممكن جدًا الطوب الأحمر ده يجي ف دماغنا، فهي قالتلي نقف، وابتدت تتحرك ف اتجاهه، ف جم ناس كانو بيصطادو سمك، وكانو بيحاولو "يهدو" الدنيا شوية.. والولد فضل يقول هما اللي ضربوني، وبعدها مشينا

تصنيفات التعبيرات الوجهية النظر المتفحّص التعليقات الملاحقة أو التتبع التهديد والترهيب
تدخل أخرى

تعليقات

نحتاج منك تسجيل الدخول للتعليق. تسجيل الدخول من هنا.