في No Address, Bilbeis, Sharqia (30.416670 31.566670)
كنت راكبة الميكروباص م العاشر للزقازيق من الميكروباصات الجديدة وكنت قاعدة ع كرسي لوحدي ف الصف اللي هو قبل الاخير و ورايا واحد قاعد وحسيت بحاجة ماشية عليا من ورا من تحت ف الاول نفضت ومجاش ف بالي حاجة واستبعدت انه يكون واحد بيمد ايده عليا وبعدين حسيت تاني ب ايده ماشية ع وسطي من ناحية اليمين كده فبحط ايدي علشان اشوف ايه ده لاقيت ايده فببص ورايا لاقيته موطي فسكتت وقولت اكيد ايده جت عليا غصب عنه وانه اكيد مش هيعرف يعمل حاجة وجنبه ناس قاعدة بس لما حسيت تالت ب ايده فقومت وزعقت وكنت مستنية الناس تتكلم علشان كنت خايفة ومكنتش عارفة اعمل حاجة بس لاقيت الناس بتبصلي ومحدش فتح بقه فقعدت وانا مصدومة من رد فعل الناس ولما نزلت الزقازيق نزل ومشي ورايا وسمعت ابشع وازبل كلام وكل شوية ابصله عشان يمشي ويسيبني عشان كنت خايفة اوي منه ومكنتش عارفة اعمل ايه بس لما لاقيته هيمد ايده تاني جيت ف مكان فيه ناس كتير وبصتله وزعقتله ع امل برضه ان حد م الناس هيتكلم وينجدني بس محدش اتكلم واللي حصل ف الميكروباص هو هو اللي حصل ف الشارع وفضل ورايا لحد مركبت وروحت ولحد مروحت وانا بعيط وبجد كل م افتكر اللي حصل وافتكر رد فعل الناس تصعب عليا نفسي واعيط وبجد بقيت اخاف انزل امشي ف الشارع
نحتاج منك تسجيل الدخول للتعليق. تسجيل الدخول من هنا.