في Al Qubbaah Palace, AZ Zaytoun Al Qebleyah, El-Zaytoun, Cairo, Cairo (30.089590 31.297040)
كنت عايزة اشارك معاكم بقصتى حصلتلى يوم17 مارس 2014 ... و كان يوم عيد ميلادى ..
الفكرة انى كنت مروحة الساعة 10 و ربع او و نص تقريبا ... و انا من ساكنى حى حدائق القبة بجوار القصر الجمهورى ... و اذا بيا و انا ماشية فى الشارع (ايد حيوان) كان عايز يضربنى على جسمى من ورا بس انا دايما لابسة شنطة باك كبيرة عشان بحط فيها مشاريع الكلية ... و معرفش يضربنى غير ان ايده خبطتنى جامد فى كوعى الشمال ... الموضوع حصل فى اقل من ثانيتين .... و انا بصراحة صرخت من الخضة ... و هو الحيوان كان قاعد ورا و معاه اتنين اصحابه فى عربية 128 بيضاء ... الحقيقة انا حاولت اجرى وراه عشان الحقهم او اخد رقم العربية .. بس مع الاسف ما لحقتش ..
الفكرة ان الشارع كان فى ناس و عربيات واقفة انتظار بجوار القصر .. و لا اى حد اتكلم ولا اى حد خد موقف و كأنى اساسا موجودة ... و عادى ولا كأن فى حاجة حصلت ... الفكرة انى بجد مصدومة انا اول مرة يحصل كدة ...
و سؤالى هو الموضوع بقا بجد عادى كدة ؟؟؟!!
و الجواب سمعته تانى يوم عن لسان رئيس جامعة القاهرة !!!
على فكرة انا مضايقة انى حقول الكلمتين الجايين دول "انى لبسى مش مستفز و محجبة و شكلى مش واو يعنى انا بنت بسيطة"
و بجد انا كنت نازلة تانى يوم و ماسكة فى ايدى (كاتر) (cutter) و ناويت اى حد هايقربلى هانتزع منه غريزته الشهوانية اللى مش عارف يتحكم فيها دى ... حاسة احساس زفت ...
رغم انى ليا زمايلى فى الكلية و الشغل و مش بخاف من النوع الاخر .. الا انى بجد كان جواية اشمئزاز .....
نحتاج منك تسجيل الدخول للتعليق. تسجيل الدخول من هنا.