في العتبة, القاهرة, القاهرة (30.060770 31.242370)
وأنا عندي حوالي 11 سنة أتنين أتحرشوا بيا بشكل فظيع جدا في يوم واحد وكنت مع أمي ومعرفتش أقولها وواحد منهم أتحرش بيا كذا مرة في نفس المحل وكنت بحاول استخبى منه ومش عارفة. أنا فضلت سنين طويلة جدا متضايقة من أمي لأني حاسة أنها هي اللي عرضتني للموقف ده أنا دلوقتي عندي 30 سنة وكرهت الرجالة جدا بسبب اللي حصل ده وكنت كل ماركب مواصلة ابقى متحفزة جدا وأستنى أي حد يلمسني علشان أطلع عين اللي خلفوه وأفضل ألعن في سلسفيل اللي جابوه وأفضل أمسح بيه بلاط الأوتوبيس اللي انا راكباه لدرجة أني أشتريت سلاح وحطاه في شنطتي لوقت اللزوم وكتير كنت هستخدمه بس برجع أحمد ربنا وأقول مش هودي نفسي في داهية بسبب راجل كلب ولا يسوى كفاية أني أبينله أنه ولا حاجة وأن واحدة ست ممكن تطلع ميتين أهله وهو واقف زي الكلب مش عارف يرد. عفوا للكلاب فهي مخلوقات رقيقة في بعض الأحيان.
نحتاج منك تسجيل الدخول للتعليق. تسجيل الدخول من هنا.