ده شارع فى كل المدارس تقريبا
فى وقت الظهر بتكون كل المدارس خارجه
والفتره التانيه تكون داخله الاولاد الصغيرين بيكونوا ماشيين فى جماعات وبيقعوا
وبيتلموا على البنات ويفضلوا يلمسهم ويمسكو فى مناطق معينه وميش حد بيتكلم
والكبار بيكونوا وقفين قدام مدرسه البنات ويمسكوا البنات معاكسه ويمشوا وراهم وساعات يوقفوهم بالعافيه
ومافيش حد بيتكلم وبيقعدوا يقولوا كلام
وفى ولاد بتبقى مش فى المدارس تكون جايه بعربيات او موتسكلات ويفضلوا ماشين يمسكوا فى البنات طول ما هما ماشيين
وماحدش بيعمل حاجه وقبل كدا كذا بنت فكرت انها تكلم البوليس يقولها طب روحى هلا وبكره هنبقى نجيب بوكس قدام المدرسه وما فى حاجه بتجى
انا عن نفسى من اللى انا بشوفوا مش بعرف اروح لوحدى اخويا لازم يودينى ويجبنى
بس ده يا ترى حل ان احنا ما ينفعش خلاص نمشى فى الشارع لوحدنا خلاص ما فيش امان