في إمبابة - الكورنيش (ش جمال عبد الناصر), الجيزة, الجيزة (30.106490 31.218150)
بصراحة أنا حصلت لى امبارح حاجة غريبة وأنا راكبة الميكروباص الموجود فى موقف البوهى بشارع الوحدة ورايح على محطة الاسعاف ، أول ما ركبت الميكروباص كان زحمة ومكنش فى مكان غير جنب السواق لانه كان حاجزه لوحدة هتركب بس قدام شوية المهم أنى طلبت من السواق أنه فى حالة لو البنت اللى تبعه مركبتش انا هادفع أجرة اتنين لاننا كان الساعة 8 وصعب انى أركب جنبى راجل لان الدنيا مفيهاش أمان المهم أن فى واحد من الراكبين أعترض وقال يعنى انا أقف والهانم تقعد فى كرسيين رد عليه السواق وقاله أن فى واحدة تانية هتركب قدام شوية وبعدها البنت اللى مع السواق مركبتش وساعتها صمم الراجل انه يقعد جنبى وصمم أنى أنزل من الميكروباص وهدد السواق بانه هيضره لو منزلنيش ده بالاضافة الى انه عرض على السواق 5 جنيه عشان ينزلنى لكن السواق كان عنده حل تانى عشان يرضيه وهو أنه يوفر له مكان ويقعده فجاب ست قعدها جنبى وقعد الراجل لكن ده للأسف ضايقة جدا وقعد يتصل باصدقاؤه من السواقين وبدأ ينفذ تهديده للسواق بانه يضره، ده بالاضافة الى انه قعد يشتم فيا كتير جدا وقعد يقولى يا مقشفة يا جربانه يا معفنه وياويا ويا .........
المهم انا مردتش عليه وللاسف الشديد محدش رد عليه خالص وخفت منه واتصلت بخطيبى عشان يجى ياخدنى وساعتها اتخانق معاه هو كمان لكن أنا اتحايلت على خطيبى عشان نمشى على الرغم من أن كان فى ظابط شرطة واقف لكن معملش أى حاجة
نحتاج منك تسجيل الدخول للتعليق. تسجيل الدخول من هنا.