انا الموضوع ده حصل معايا من 5 سنين تقريبا بس لما شفت الحملة بتاعتكم فكرت انى ابلغ انا كنت وقتها فى ثانوية عامة و كان عندى حصة من 8-9 الصبح خلصتها و كنت مروحة منها و كنت قريبة من البيت و لقيت واحد واقف فى الشارع بيعمل حركات غريبة انا وقتها مكنتش فاهمة ايه ده كان معرى نفسه و بيعمل حركات غريبة فى نفسه يعنى و كان واضح انه شارب حاجة جمدت قلبى و مشيت لقيته بيشدنى من الشنطة ناحيته رحت ضربته شلوت و فضلت اصرخ و اضرب فيه اقلام و بوانى و بتاع و قعدت انادى على بابا و الجيران اللى فى الشارع بس المشكلة ان الوقت كان بدرى جدا فمحدش حس بيا بس برده فضلت اضرب فيه و اصرخ و هو من كتر ما كان فعلا شارب مكانش متوازن خالص فى الاخر جرى منى بس انا كنت عايزة امسكه لحد ما اى حد يحس بيا بقى هو بيجرى قدامى و انا ماسكاه من قفاه و شغالة اصرخ لحد ما ماما حست بصوتى فا نزلت الشغالة بسرعة تلحقنى بس للأسف زقنى و وقعنى و هرب و مقدرناش نمسكه
يمكن انا كان حظى حلو انى كنت جنب البيت و ده ادانى قوة يمكن ربنا قوانى فى ساعتها كمان بس الأكيد ان لو الظروف اختلفت او لو ده حصل مع واحدة تانية مقدرتش تتصرف بجد مكانتش هاتتلحق !!!

1 التعبير عن الدعم