في قبل الموقف, شبين القناطر (30.311410 31.322880)
كنت رايحة اركب من الموقف عشان اروح الامتحان, ولدين واقفين قصاد توكتوك, وحد منهم قالي "ياواد يابت", واما بصيت بغضب وتوجهت ناحيتهم, واحد منهم قالي بسخرية "فين البيضة" ده عشان قبلها, ده كان بيحصل كتير فكنت بقالي تقريبا شهر ما بنزلش غير وفي ايدي بيضة كنوع من السيلف ديفينس, وبعد شوية كده, فلقيت الولد التاني هو اللي قدامي, قربت منه اوي, وقمت باصة ف وشه, وقلتله بزعيق "انت عاوز ايه يعني؟ مش فاهمة, تحب اوديك القسم" وقمت ماشية.. وهما فضلو يضحكو, والولد اللي كلمته بيشاور على الولد التاني, وبيقولي "ده هو والله مش انا"..
وكان في راجل سنه كبير شوية, ممكن خمسينات مثلا, راكن توكتوك جنب توكتوك الولدين دول, وقالي "جدعة" بعد ماعملت كده
نحتاج منك تسجيل الدخول للتعليق. تسجيل الدخول من هنا.