للمشاركة بقصتك
الإبلاغ سهل. كل اللي عليكوا إنكوا تعرفونا إيه اللي حصل وفين وامتي. بنسجل كل حاجة بسرية.
عايز/ة تعرف/ي البلاغ هيفرق في ايه؟
اعرف/ي أكتر
إزاي نشارك؟
أي حد يقدر يبلغ عن التحرش الجنسي. ممكن تختاروا الإبلاغ عن واقعة تحرش جنسي أو تدخل – لما حد بيتدخل لإيقاف واقعة تحرش جنسي أو دعم من تعرض/ي للتحرش. تقدروا تبلغوا بشكل مباشر وقت حدوث التحرش أو في أي وقت بعد كده. وتقدروا تستخدموا الموبايل أو الكمبيوتر.
الخطوة الأولى: اختار/ي الإبلاغ عن واقعة أو عن تدخل
الخطوة الثانية: تحديد الموقع
لو كنت بتبلغ/ي وقت حدوث الواقعة وفي نفس المكان، برجاء الضغط علي "الواقعة حصلت هنا دلوقتي" وأوتوماتيكيا هنعلِم على المكان والوقت. ممكن تعديل أو تحريك علامة الخريطة للموقع المضبوط.
لو كان التبليغ عن واقعة حصلت في وقت سابق أو مكان تاني، اضغط/ي "حصلت الواقعة قبل كده/في مكان تاني". وبعدين اكتب/ي العنوان والمدينة والبلد اللي حصلت فيهم الواقعة أو أوصف/ي فقط المكان بدقة بقدر الإمكان. تقدر/ي برضو تحرك/ي علامة الخريطة لتحديد موقع دقيق.
الخطوة الثالثة: اوصف/ي اللي حصل باستخدام الصيغة التي تحت الخريطة وأبعتها/يها
تقدر/ي تشوف/ي بلاغك على الخريطة فورا. احنا بنراجع التفاصيل المذكورة في كل البلاغات للتأكد من السرية وبعد كده الوصف بيكون ظاهر. لو كنت/ي عايز/ة، تقدر/ي تعمل/ي حساب عشان يوصل لك أي أخبار بخصوص بلاغك. تتضمن الأخبار التعليقات والتعبيرات عن الدعم.
يتم مراجعة البلاغات دوريا للتأكد أن البلاغ متعلق بالتحرش الجنسي مش التحرش بشكل عام. البلاغ لازم يكون متعلق بواقعة بعينها مش كلام عام عن التحرش الجنسي. البلاغ برضو لازم يوضح فين وامتا حدثت الواقعة وإيه نوع التحرش الجنسي اللي حصل.