في Talaat Harb, Al Mahalah Al Kubra, Gharbia (30.968750 31.167830)
تجربة إيجابية من "ت" :)))
اولا بشكر جدا اللى عمل الصفحة دى انتوا بتعملوا جميلة و معروف فى بنات و شباب مصر كلها
طبعا انا للاسف اتعرضت و شفت مواقف تحرش كتير
بس اللى هحكيه حاجة لسة حاصلة معايا النهاردة و هيا حاجة ايجابية و ده الغريب
انا من المحلة و فى جامعة المنصورة فى الغالب بركب الاتوبيس و انا رايحة الجامعة اللى هيا شركات نقل الطلاب دى امان جدا و كده كده بيبقى راكب جنبى بنت بس النهاردة ملحقتش المعاد فاضطريت اروح اركب ميكروباص من الموقف " موقف طلعت حرب " و فى الغالب ان من اولها كده السواقين هما اكتر ناس بيعاكسوا و فيه اللى يقولى اركبى قدام يا ابلة فى وشى كده و العربية كلها فاضية اساسا !!
المهم روحت ركب لاقيت العربية كلها شباب و انا عادة بحب اركب فى الكنبة الاخيرة بس كان قاعد فيها 3 شباب و الكنبة اللى قدامها كان فيها شاب واحد ركبت جنبه جه واحد تالت طلعت ع الطرف و خلاص العربية حملت و انا حطيت الهاند فرى فى ودنى و عمالة اجهز فى الفلوس و مش مركزة فى اى حاجة و خلاص هنطلع لاقيت واحد من السواقين اللى كانوا واقفين بينزلنى و بيقولى اطلعى اعدى ع الكنبة اللى قدام و خلانى ابدل مع شاب كده و اعدت جنب ستتين كبار انا مش فاهمة هوا عمل كده ليه فبسال طنط قالتلى معلش يا حبيبتى هو ع الارض و شايف ان الولاد اللى وراكى مش مظبوطين و كانوا هيدايقوكى !!
عاجبنى اوى ان الموقف الشهم ده طلع من سواق ميكروباص .. ربنا يكتر من أمثاله
و الغريب انى بعد ما وصلنا و نزلت ببص على الشباب اللى كانوا ورا دول لاقيت شكلهم نضيف جدا.... المصدر: صفحة إفضح متحرش
نحتاج منك تسجيل الدخول للتعليق. تسجيل الدخول من هنا.