في Al Wardiyan, Al Mafrouzah Gharb, Qism Mina El-Basal, Alexandria, Alexandria (31.167480 29.877000)
وانا راجعة النهاردة من الدرس لقيت 3 اولاد صغيرين عمالين يزقوا بعض عليا انا وصحبتي وشغالين قله ادب وسفالة وكلام حقير شبهم ,, ضربت واحد منهم بالاسكتش ,, والتاني واقف وباصصلي فبقوله تعالي عاوزة اقولك حاجة ,, فبقوله انت مش شايف ان انت بتعمل حاجة غلط وبتأذي غيرك !! راح قايلي لا ,, قلتله طب معنكش اخوات بنات ؟؟ مش خايف الا يحصل لواحدة منهم حاجة زي كده في الشارع !! راح قالي لا انا عندي اخوات بلاستيك ,, المهم سبته ومشيت فضل مشي ورايا ويقولي عاوز اتجوزك عاوز اتجوزك لغاية امل ضربتهم بالاسكتش عشان يمشوا
حاجة بقت تقرف بجد ,, مهو طول ما الكبار مقضينها وعادي , اكيد العيال مش حيطلعوا ملايكة يعني ,,, استغفر الله العظيم انا كرهت نفسي بجد والله
حسبي الله ونعم الوكيل
اسكندرية الورديان
نحتاج منك تسجيل الدخول للتعليق. تسجيل الدخول من هنا.