كنت في مدينه نصر شارع ابو داوود الظاهري المهم الوقفه اللي فاتت كنت مروحه انا وصاحبتي في العربيه كنت سايقه المهم وصلنا تقاطع فكان في بنت عايزه تعدي فوقفت عشان اعديها وكان ماشي جنبها واحد لبسه وشكله مايبانش انها تعرفه لأن شكل مستواه اقل شويه بس من كتر ما كان لازق فيها افتكرته صاحبها بس اكشفت انه بيعاكسها المهم قلت هيرمي كلمتين ويمشي بس وانا بعدي سمعت واحد بيقوله عيب كده يا مصطفي معندك اخوات بلاستيك!!! (بيستظرف)...!!!
المهم عديت التقاطع وبلف شمال شفت البنت وهي جايه تعدي بين عربيتين راكنين اتحشرت راح وقف في وشها وقرب منها قوي وهي مرعوبه...قررت اني مش هسيبها راح الولد المسمي "مصطفي" ده جري عشان يركب العربيه و كسر علي البنت بعد ما افتكرته مشي!!! المهم كل ده حصل في 5 دقائق بس انا بوصفلكوا البنت بجد كانت مرعوبه وانا قررت اني مش هسيبها روحت لفيت تاني و كسرت عليه و وقفت بعرض الشارع وقولتلها اركبي بسرعه البنت بصت جوه العربيه ليكون فيها ولاد شافت ان احنا بنتين اطمنت ونطت جوه العربيه ورجليها كانت بتنزف لما حاولت تفلت من الولد رجليها اتخبطت في حته من العربيه صاحبتي قعدت تهديها والبنت تترعش وتعيط...
افتكرت الموضوع خلص بس ببص في المرايه لقيتهم طلعوا ورانا ويقلبوا نور ويكلكسوا مكنتش عارفه اسوق من كتر ما رجلي كانت بتترعش اترعبتتتتتتتتت لحد ما كنت هعمل حادثه لأني كسرت علي ولد كان سايق فلسه هيزعقلي انا كنت هخبطه قولتله انا اسفه بس العربيه اللي ورانا بتعاكسنا ومش سايبنا المهم الولد قاللي عدي ومتبصيش وراكي...وفعلا طرت باعربيه وعيني علي المرايه لقيته وقف وبطل عربيته كأنها عطلت وعطلهم كنت انا بعدت في شارع جانبي... كل ده في اقل من 10 دقائق بس حسيت ان بقلنا سنين بنهرب منهم بجدددددد رعبببببببب وصلت البنت لسيتي سنتر طلعت رايحه لمامتها.

مدينه نصر شارع ابو داوود الظاهري مع تقاطع مكرم عبيد
at 09:30 p.m

ادعم/ي الشخص اللي بلغ

أضف/ي تعليق شاهد/ي المزيد من البلاغات