في No Address, Kafr El Sheikh, Kafr El Sheikh (31.094760 30.957760)
هحكى موقف حصل معايا النهردة ولو عاوزين تنشرو اسمى عادى مش خايفة ولا مكسوفة وفيه ناس كتير اوى وقفت جنبى وحسستنى انى كنت صح ..
النهردة واحنا ماشيين واحد حيوان جه وعمل اللى عمله باة وجرى مسبناهوش لفينا من الناحية التانية واحنا بنلف واحد تانى كان شاف اللى حصل فـ جه معاناولقينا الحيوان الولد دة وقفه وقاله ايه اللى انت عملته دة..الحيوان دة خاف جداواالولد قالناهتعملو ايه قلتله هعمل محضر نروح القسم الحيوان اترعب و"عيط" وفضل يقوله خلاص والله خلاص والولد يبصلى وانا اقوله لا هعمل محضر قالى زى ماتحبى ناخده عـ القسم ساعتها كان ناس تانية اتلمت وولاد تانية جت وقالى عمل ايه قلتله هعمل محضر تحرش فضل يكلم الحيوان وكان مرعوب وبيعيط ويتحايل عليهم يسيبوه .. صاحبتى قالتلى خلاص مش مهم المحضر دة عيل صغير بس انا صممت قلتلهم لو سبته هيكررها قالولى لأ اضربيه سكت ضربوه هما لما ضربوه وشفته مذلول قلت كفاية عليه كدة .. المهم باة انه مش هيفكر يعمل كدة تانى اللى خلانى معملش محضر انه اتذل بجد .. شكرتهم ومشيت .. بقول للبنات بجد هما مستمرين عشان شايفينكو فى ضعف ومبتتكلموش لو كل واحدة عملت اللى انا عملته النهردة والله هيبطلو .. صدقونى هما جبناء جداااا متسكتيش على حقك ومهما قالولك سيبك من المحضر متتنازليش .. متسيبيش حقك عشان تحمى نفسك وتحمى بنات غيرك : )
نحتاج منك تسجيل الدخول للتعليق. تسجيل الدخول من هنا.