في شارع الهلالي, أسيوط, أسيوط (27.182780 31.182780)
كنت طالعة من المدرسة أنا و واحدة صاحبتى وكنا واقفين بنوقف تاكسى و ولدين جم فجأة بعجلة ولمس صاحبتى واتحرش بيها وبعدها جرى بالعجلة .. قامت هى وقفت مندهشة من اللى حصل روحت انا جريت وراه بس مالحقتوش .. بعدها لف تانى و رجع بكل بجاحة .. كلمت أمين شرطة واقف ومعملش اى حاجة .. راح رجع تانى بالعجلة روحت جريت بردو وراه ولحسن الحظ واحد كان واقف على جنب بالعربية بتاعتو قام فاتح الباب فـ وش المتحرش بالعجلة قام واقع .. والناس اللى كانت قاعدة ع القهوة كلهم قاموا ضربوه واخدوه ع القسم
اسم المنطقة : شارع الهلالى - اسيوط .. يوم ايه مش فاكرة لانه من سنة او سنتين .. ساعت ما حصل الموقف كنا ف 1 ثانوى .. حاليا داخلين جامعة .. المتحرش كان كبير عننا شوية شاب ف اول العشرينات وملمحتوش كويس لانه كان بيجرى
الموقف حصل الساعة 4 العصر
كنا طالعين من المدرسة واتأخرنا مش لاقيين تاكسى
ف الترم التانى شهر 3 .
نحتاج منك تسجيل الدخول للتعليق. تسجيل الدخول من هنا.