في No Address, دمنهور, Beheira (31.020650 30.456250)
.. لسه امبارح .. انا ف ثانويه عامه .. وبدأنا مراجعات و بانزل دروسي الصبح بدري .. كان عندي درس الساعه 9 الصبح .. نزلت قبلها و انا ف طريقي للدرس الشارع كان هادي جدا .. واحد راكب عجله عدي من جنبي .. ما ركزتش معاه .. المهم سمعت صوت حد بيصفر جاي من ورا .. قولت اكيد حاجه و المفروض اطلع ع الرصيف .. بصيت ورايا لقيته هو نفس الشخص .. بس كان نزل من ع العجله و ماشي جنبها و مشيها جنبه .. بعدها فضلت اسرع ف ماشيتي ع قد ما قدرت و بصيت ورايا اكني عايزه اعدي الطريق ما لقتهوش .. بعدها مشيت و لقيته طلع قدامي من شارع جانبي و كان لسه ايده هتلمسني مسكتها و نزلتها و زعقتله و شتمته ولسه بادور ع حاجه ف الارض احدفه بيها ركب العجله ومشي .. بعدها كنت منهاره جدا .. و مضايقه اني ما عرفتش اخد حقي .. بس ف نفس الوقت انا اتصديتله ع قد ما قدرت ومسكت ايده قبل ما يلمسني .. مش عارفه جاتلي الجرأه اني اعمل كده ازاي و اني اتصرفت كده بسرعه .. لكن ف النهايه بردو ربنا كان معايا .. اسفــه اني طولت .. ربنا يهدي مجتمعنا
انا من دمنهور في محافظه البحيره ... الموضوع ده حصل قريب من شركه دمنهور للسياحه ... و انا عرفت بعدها ان الراجل ده اتعرض لكذا واحده بعد كده لان نفس المواصفات بتتكرر و كمان هو بيركب عجله ع طول يمكن دي بتسهل عليه يعمل عملته و يجري .. بالنسبه لموضوع السن اعتقد انه انسان كبير يعني تقريبا فوق ٢٦ او ٢٧ سنه .. ما كانش في اي حد ف الشارع لانه كان يوم جمعه و الصبح بدري كانت الساعه ٨.٣٠ تقريبا
هوانا 19 سنه..
نحتاج منك تسجيل الدخول للتعليق. تسجيل الدخول من هنا.