في 6th October Bridge, No City/Country (30.048840 31.222200)
الحقيقة أمس كنت سايقة على كوبري اكتوبر الساعة 3 الضهر وفجأة ألاقي شاب في عربية كيا فتح شباكه وماسك موبايله وبيضخكلي وبيقوللي عايز نمرتك يعني.. طبعاً قلت مش هاضيع الفرصة العظيمة دي.. ضحكتله وشاورتله براسي لأن شباكي كان مقفول "أوي أوي" وشاروتله بايدي استني.. هو افتكر اني باطلع موبايلي آخد نمرته وكان واقف مستنيني فعلاً.. بسرعة خرجت الموبايل وحبت الفيديو مش الكاميرا وصورته.. هو لما شافني بصوره وكان بيضحك نفس الضحكة البلهاء اكتشف في الآهر ان في حاجة مش مظبوطة بتحصل فخاف ودور وشه بعد 13 ثانية كنا صورته فيهم فعلاً! كنت هاطير من الفرحة.. اختفى من جمبي تماما وبعدها بحوالي 15 دقيقة لقيته قرب تاني منى ولازق ورقة على شباكه واضح انها ورقة كان مداس عليها في الأرض وكاتب عليها "انا كنت بسألك بتبيعي عربيتك؟" وشاورلي انزل الازاز.. نزلته.. فقالي أنا ماكنتش مش بعاكس ده انا كنت بسألك بتبيعي العربية ولا لأ انتي صورتيني ليه بقى؟ للعلم أنا عربيتي أصلاً جديدة ومش حاطة عليها حاجة بتقول أني بيبعها وقلتله أنت كنت ماسك موبايلك وبتضحكلي واستنيت من غير اصلا ما تكلمني ولا ارد عليك فبلاش كذب.. قاللي ابدا صدقيني.. إللي فهمته انه كان بيتكلم في التليفون.. غاليا حد قاله على صفحتكوا او خوفه من التصوير .. بس ضخكت جدا لأنه طول لطريق كان باصص قدامه لآخر الكوبري.. دلوقتي مش عارفة ابعت الفيديو ولا نسامحه؟
نحتاج منك تسجيل الدخول للتعليق. تسجيل الدخول من هنا.