في Bulaq Ad Daqrur, Qesm Boulaq Ad Dakrour, Giza, Giza (30.037670 31.189650)
من سنة كنت رايحة بولاق مع ماما وركبنا اتوبيس فا قعدت انا وماما جانب بعض وقعد ورانا شابين في العشرينات المهم واحد منهم قاعد ف الكرسي اللي من جوا ورايا حسيت بحاجة من جنب رجلي بتتحرك قولت يمكن انا بيتهيئلي شوية ولاقيت حاجة بتتحرك تاني ببص لاقيت ايد الشاب ده قومت وقولتله لو ملمتش نفسك هتنضرب ومحسيتش بنفسي غير وانا بديله قلم زي بتاع الظباط كده بالظبط الولد عيط من شدة القلم كل الأتوبيس بهدلوه وقالولو تعالي ارجع اقعد ورا واللي معاه بهدله وانا نزلت بعدها بدقيقتين ومع اني اخدت حقي بس فضلت مُنهارة اكتر من ساعة في الشارع بعيط معرفش ليه بس فكرة ان حد يلمسني غصب عني يمكن هي دي اللي خليتني اعيط كده أصل ليه يمد ايده عليا يعني عايزة مُبرر ؟!!
مشاركة من "ن"
نحتاج منك تسجيل الدخول للتعليق. تسجيل الدخول من هنا.