في Al Munirah, Embabah, Giza, Giza, Giza (30.079580 31.198420)
كنت راكبة لطريق امبابة وواحد ركب، في مكان فاضي يقعد بس هو مرضيش بحجة انه جمب الموتور ، عرفته من بصته ، اه بجد المتحرش بيبان من بصته ، فضل عينيه تلف من تحت لتحت على اماكن في جسمي وانا واخدة حذري لانه مكنش واقف جمبي، طلعت ناس فا اضطر غصبا عنه يدخل جوة وبعدين الناس نزلت فا قرب قدام تاني وهنا بقى اتأكدت شكوكي لما لقيت المينيباص فاضي وهو جاي يقف جمبي مخصوص، خفت بس قلت مش هسكت وانا واخدة عهد على نفسي مش هسكت ، قولتله لوسمحت وسع، قال لي بكل بجاحة انتي نازلة يعني ؟ قولتله لا المكان ضيق ما ينفعش تقفلي كدة ، قام بص حواليه كدة ومعملش حاجة كنت هبتدي اعلي صوتي بس التباع جه وقاله اقعد في اماكن فاضية انت واقف كدة ليه ؟؟ راح قعد جمب الباب غصبا عنه وبعدين قام استغل الزحمة ونزل من المينيباص
فرحت بجد اني مسكتش وانه نزل معرفش ياخد مني حاجة بس كان نفسي اهزقه ابهدله
المرة الجاية هبقى اقوى لانه اكيد هيبقى في مرة جاية ... ربنا يرحمنا منهم
نحتاج منك تسجيل الدخول للتعليق. تسجيل الدخول من هنا.