في El-Tahrir Square, Cairo, Cairo (30.044760 31.235370)
النهارده من ساعتين بالظبط (الساعة 5).. وانا راجع من شغلى فى المترو وداخل على محظة السادات ، كان معايا تليفون ، وانا بتكلم شوفت بنت فى العشرينات واقفة قرب الباب علشان تنزل وفيه واحد واقف وراها بمسافة مش كبيرة ، شكله بداية العشرينات لابس جلابية ودقنه خفيفة وشكله مش من القاهره ، حاول يخبط البنت فى ضهرها بضهر إيده وعمل كدا فعلا وانا متابعه وماسك التليفون برضه ، البنت غالبا ماخدتش بالها لانه عملها مرة وخلاص ، اول مالباب فتح انا وقفت بسرعة أشوف وأتأكد علشان ماظلموش ، راح عملها تانى وتالت بسرعة فـ الزحمة ، أنا كنت ماسك التليفون بإيدى اليمين ، روحت بإيدى الشمال وبعزم مافيّا على قفاه وبصوت عالى (إمشى عدل ياض) صوت القلم وقّف الناس اللى جوه المترو واللى بتركب للحظة ، الواد إتخض وخاف وجرى بره المترو ، قعدت مكانى تانى والناس فمهت ضمنيا هو كان بيعمل إيه لما شافوا رد فعلى ، وكملت تليفونى وطريقى عادى جدا ، وانا حاسس إن الواد دا لو فكر يعمل حاجة زى كدا تانى هيعيد تفكير تانى وتالت ورابع وهيفضل يبص وراه ميت مرة لاكون واقفله وهيدعك قفاه وهيسمع حد بيقوله (إمشى عدل ياض) .. وانا بوعده إنى لو شفته تانى هو أو أى واحد زيه هحط موبايلى فـ جيبى وهقضيها تلطيش بإيديا الإتنين ، علشان يعرف إنها مش رجولة إنه يضايق بنت ، إنما الرجولة هى اللى هيتعمل معاه وقتها !
نحتاج منك تسجيل الدخول للتعليق. تسجيل الدخول من هنا.