في Abu an Nawatir, Qism Sidi Gabir, Alexandria, Alexandria (31.224750 29.954990)
شارع كفر عبده . امام حديقه اللمبي
انا عندي 13 سنه. بروح مدرستي و بروًح لوحدي بحكم انها قريبه و كده . انا من اسكندريه .. رشدي و مدرستي في كفر عبده . مش بعيده
و يوم و انا مروحه.. و كنت بلبس المدرسه اللس مش مبينني اساسا !
و واحد بعربيته "بسبسلي و غمزلي " انا شكيت في نفسي و كملت مشي في طريقي.. و بعدبها هو لف تاني و جه وقف قدامي !
انا حسيت ان كل الشجاعه اللي فيا اختفت . معرفش ليه و ازاي !
و ان كل التجارب اللي قريتها و الوعود اللي خدنها علي نفسي في اني مش هسكت علي اي تحرش طارت من دماغي.. المهم انا رجعت لاقرب كشك للامن " حراسه فيلا مش شرطه يعني " و قولتلوا لو سمحت اللي في العربيه ده بيعاكسني .. بتاع العربيه اول ما شافني رحتلهم مشي .. الامن قالي اهو مشي .. متخافيش و لو اي حد ضايقك تاني في اي وقت نادي علينا و متقلقيش احنا جنبك و كده.. انا اطمنت من كلامه و كملت مشي في طريقي !
لقيت نفس الراجل لف و جه تاني !
انا اتسمرت في مكاني حوالي دقيقه او اقل .. جمعت شجاعتي و افتكرت كلام الراجل, و حفظت رقم العربيه .. علي سبيل الاحطياط .. بس انا كنت بعدت عن كشك الامن .. فمشيت نحيه سواق العربيه .. و هو كان فاتح الازاز طبعا !مسكت قزازه الميه في ايدي و بصيتله و قولتله انت سافل و حيوان .. هو طبعا مشي بسرعه .. انا حسيت اني ارتحت شويه .. بس وعدت نفسي ان لو اي حاجه زي دي تاني مش هسيبه يمشي غير ما افرج الناس عليه !
و مش هكتفي بالشتيمه بس !
" لوحه العربه كاني س ي ل بس مش قادره افتكر الارقام و هي Hyundai Elantra و لونها Off White و اللي سايقها تخين شويه كده و ابيض .. و انا شفتها بعد كده كذا مره ما بين رشدي و كفر عبده و عمارات الظباط في مصطفي كامل "
نحتاج منك تسجيل الدخول للتعليق. تسجيل الدخول من هنا.