في شارع اسماعيل محمد عند هارديز في الزمالك, القاهرة, القاهرة (30.066220 31.217650)
يوم الخميس اللي فات كان في التجمع المعتاد بتاع الشباب اللي عند مطعم هارديز و كانوا اعدادهم كبيرة و اتحرشوا بي و بأصحابي لفظياً (كنا بنتين و 3 شباب) فابتدينا نتخانق معاهم بالكلام و في نفس الوقت كان في بنتين معديين لوحدهم فمجموعة شباب حاوطتهم و اتحرشوا بيهم جسدياً. واحدة منهم لفت و ادت متحرش بالقلم راحوا ضاربينها و مكملين تحرش بيهم. الشباب اللي معانا عرفوا يتدخلوا و ينقذوهم. اليوم اللي بعده رحنا عشان نصور مع صاحب الكشك فالشباب افتكرونا من اليوم اللي قبله و تعدوا علينا و حاولوا يكسروا الكاميرا. عرفنا نهرب منهم بس هددوني بان الزمالك صغيرة و هيلاقوني و واحد منهم رفع لي التي شيرت عشان يوريني تعويرة في بطنه من مطوة عشان يخوفني. بلغت الشرطة بالواقعتين دول و ده صورة لواحد من اللي اعتدوا علي.
نحتاج منك تسجيل الدخول للتعليق. تسجيل الدخول من هنا.