في Masr Al Jadidah, Al Matar, Qism El-Nozha, Cairo, Cairo (30.109080 31.336860)
حصل معايا موقف من 30 دقيقة كدة، اتا نزلت اجيب اكل من "شاكر"، طلبت 3 كفتة و كانت واقفة جنبي بنت طالبة 3 كفت برده، بس البنت امورة و كانت واقفة وسط 10 رجالة على الاقل. بقالها اكثر من 15 دقيقة و اكثر و محدش منهم بيوسعلها، مش دي المشكلة ممكن بكون هما معندهمش ذوق.
المشكلة ان الطلب بتاعي كان رقم 621، و الطلب بتاعها كان رقم 611 و انا و هي طالبين نفس الحاجة (3 كفتة) الراجل اداني الطلب بتاعي الأول، فسالتها "حضرتك طالبة إيه؟" قالت لي "3 كفنة"، قلت للراجل "غالبا انت اتلخبطت و اديتني الطلب قبلها" ،
بعد طبعا نظرة الكراهية اللي بصلي بيها و بعد ما كل الرجالة اللي حواليا بصولي بإستغراب جدا، اخذ مني الطلب و اداهولها، فأنا بسال بعدها "هو انت مطلعتش الطلب بتاعها من بدري ده 3 كفتة و انت عندك الكفتة جاهزة؟" ،،، قالي "يعني يا باشا امشي الموزة و ازاعل كل الرجالة اللي واقفة دي؟!"
كل ده و مش مشكلتي انا انا بقى مشكلتي اني في اللحظة دي لقيت كل الناس بصوا لبعض و ضحكوا و في منهم اللي قالوا لي "ينفع كده تطير المزة من قدامنا؟!" شعب مارد
نحتاج منك تسجيل الدخول للتعليق. تسجيل الدخول من هنا.