في No Address, Cairo, Cairo (30.048380 31.243200)
أنا كنت خارجة من مرور الدراسة متجها لعربيتي وماشية جنب سور الدراسة كان جمبي زميل ليا والمتحرش ده كان جاي في وشي ومعاه 2 كمان أول ماعدا جمبي مد ايده ومسكني من مؤخرتي صوت ومسكت فيه و زميلي والناس إتلموا ومسكوه دخلنا بيه مباحث مرور الدراسة وهناك اكتشفنا إنه عسكري أمن مركزي و سألوا اتضح إنه عسكري أمن مركزي , جالنا الظابط المسئول عنه واخدنا ل رئاسة الأمن المركزي عشان يحولوا يقنعوني إني معملش محضر بس أنا اصريت أعمل محضر وبعد محولات كتير اخدت بيانات العسكري بعدين روحنا اسم الجمالية قعدنا مع الظابط مباحث وعملنا محضر و قلت اقولي وزميلي اللي كان معايا قال اقوله ك شاهد وبعدين نزلنا عند مأمور الاسم كلم رئيس نيابة الجمالية وقالوا إن بكرة هاروحله النيابة ادلي باقوالي , وبعت جاب العسكري والظابط المسئول عنه عشان ياخد اقواله , ونصحني إني أروح النيابة عشان اخد حقي .
تاني يوم رحت النيابة وكان معايا محامي من مركز النديم دخلت ل وكيل النيابة شرحتله اللي حصل والشاهد دخَل بعدي , روحت والمحامي قعد عشان يسمع اقوال المتهم وعرفت من المحامي إن المتهم كان أعد معاه نقيب من الأمن المركزي ( ده غير العقيد والمقدم اللي داخله سلمه على واكيال النيابة أثناء التحقيق ) وهو بيتوجهله الاتهامات المتهم قال: إنه كان ماشي وخابت فيَّ وأنا اتاسفتله وإن كان رايح يشتري حاجة من الكشك وفي ايده فلوس فـزميلي عمل كده عشان ياخد الفلوس ( ده كلام المتهم ) .
عرفت من المحامي إنه خد 4 أيام وبعدين التجديدله 15 يوم أثناء الفترة دي جالي اخوه و العسكري زميله اللي كان معاة تحت البيت اتكلموا مع الجيران عشان يقنعهم إني اتنازل وادعو إن والدته مريضة وفي ال مستشفى منهارة , بعدها بـيومين العقيد شرايف كلم خالي عشان يقنعه انهم هيجزوه بس نتنازل خالي رفض وبعدها بـنص ساعة والدته وعمته جولي وطلعوا خبطه عالبيت عندي مامته ست بسيطة جدا اترجيت مامتي عشان منضيعش مستقبله بس مامتي اصرت إنها تاخد حقي عشان حالتي النفسية .
وبعد ماال جيران خلهم يمشوا نزلوا وراحوا ل والدي الشغل بس معرفش يقبلوه فـراحوا للكنيسة بتعتي اتكلموا مع ابونا.
اتفاجئت امبارح بـمكالمة من المحامي بيقولي إن المحضر اتحفظ وإن المتهم طلع بعد أسبوع من 15 يوم
نحتاج منك تسجيل الدخول للتعليق. تسجيل الدخول من هنا.