في إمبابة, Giza, Giza (30.182960 31.022040)
وأنا باحضر مؤتمر حول التخطيط لمشروع المدن الامنة مع عدد من الجمعيات الاهلية والحكومية لقيت نمرة غريبة بتتصل عليا، وعشان انا كنت مشغولة رحت كنسلت على النمرة، لقيتها عماله تتصل كذا مرة، قولت يمكن حد عايزنى ضروري، فرديت لقيت حد بيقولى هى دى نمرة محمود، قولت النمرة غلط وقفلت على طول، لقيت النمرة عمالة ترن عليا كذا مرة تانى، أخر ما زهقت رديت عليه قولت، لقيته بيقولى دى نمرة خطيبتى، قولت له حضرتك النمرة غلط، وقفلت، لكن للأسق قعد يرن كذا مرة، أخر ما زهقت منه رحت فتحت وقولت له حضرتك لو اتصلت على النمرة دى تانى أنا هأبلغ مباحث التليفونات وأديهم النمرة، لكن للأسف بكل برود رد عليا وقالى ياما خوفتينى؟! بجد ضايقنى جدا، المهم بعدها قعد يرن كتير وساعتها كنت قررت أنى مش هأرد تانى، لما روحت البيت لقيته بيرن عليا بالليل الساعة واحدة بعد نص الليل، ساعتها خليت أخويا يرد عليه وللأسف أخويا لسه بيرد عليه وبيقوله رد يا حيوان راح التانى شتمه شتائم مش كويسه، ولإننا مش متربين على قلة الادب أخويا راح أدى الرقم لأخويا الكبير عشان هم يشوف شغله معاه، وأول ما النمرة رنت تانى راح أخويا الكبير رد، لكنه أول ما سمع صوته قفل على طول
الموضوع ده كان من يومين ولحد دلوقتى النمرة لسه بترن عليا، وخصوصا بالليل
النمرة هى 011535....
نحتاج منك تسجيل الدخول للتعليق. تسجيل الدخول من هنا.