في شارع مصطفى النحاس - مدينة نصر - بجوار سوبر ماركت المحمل, Cairo, Cairo (30.053340 31.332210)
كنت واقفه فى الشارع مستنية واحد صحبى و بعدين قلت أولع سيجارة على ما ييجى و بعد كده توالت التعليقات حول السيجاره و ازاى بنت بتشرب سيجاره فى الشارع
معلقتش و قعدت ع الرصيف اكمل سيجارتى و خلاص, بعد كده جه ولد بعربية و فضل يبسبس و ينادى و يقولى "متيجى , تعالى بس انا عاوز اتعرف, اركبى نتكلم جوه , تعالى و خدى اللى انتى عاوزاه" !!!!!!!!!!!
مكنتش واخده بالى ان السيجارة و القعده ع الرصيف تعد واحده من الجرائم الفشيخه فى مصر !!
المهم رحت طلعت موبايلى و عملت انى بكلم حد ع التليفون ف الولد دور عربيته و طلع يجرى فكملت سيجارتى و انا مزهوله و قعدت اتخيل لو انى كنت ولد قاعد ع الرصيف و ولع سيجارته يا ترى كان هيحصله زى اللى حصل معايا ولا كان هيشرب السيجاره براحته و ينبسط؟
نحتاج منك تسجيل الدخول للتعليق. تسجيل الدخول من هنا.