في Al-Jizah, Tag Ad Dewal, Embabah, Giza, Egypt, Giza, Giza (30.018380 31.220100)
بعد انتهاء الحفل .. كل اصحابنا روحوا وبقيت انا و٣ منهم "بنات بس" و.. وقفنا قصاد البوابة في الشارع واخويا راح يجيب العربية عشان كانت بعيد جدا.. اتأخر جدا عشان الشارع كان زحمة.. بس احنا كمان كان حوالينا زحمة جدا من ناس خارجة من الحفلة زينا وناس واقفة في الشارع..
فجأة واحد وكان واقف معاه ييجي ٥ اصحابه (من اهالي المنطقة) .. عدوا وعاكسوا بعدين وقفوا سندوا على السور جنبنا وفجأة واحد فيهم مد ايده من تحت عليا .. بكل ثقة كأن ده شيء عادي جدا .. انا اتلفت والادرينالين علي وماكنتش عارفة انطق من وشديت شنطة صحبتي عشان تقيلة وفيها كاميرا وقعدت ارزع بيها على دماغة .. وهوه فضل واقف زي الشجرة مش بيبعد ومش بيرد حتى .. الناس اتلمت بتقوللي في ايه في ايه وبعدوني عنه .. فانا لمااعدت اصرخ واشتم فيه .. هوه مااتضايقش تقريبا غير هنا وقعدةيقول ليه الغلط بس يا ابله .. المهم الناس بعدتني عنه .. ومعملولهوش اي حاجة .. انا وقفت دقيقة بعيد اهدى واعدل هدومي واشوف كاميرة صحبتي اللي اتكسرت .. فجأة ببص لقيته جاي ناحيتي تاني والعيال اصحابه دول حواليه .. والناس كلها رجعت لحالها.. وجاي يقوللي انتي طلعتي مش محترمة .. انا اتجننت اكتر وقعدت اشوت فيه برجلي واصحابي يشدوني .. بس المرة الدي الناس حرفيا وقفت تتفرج من بعيد .. ودي كانت اكتر لقطة صادمة لية الحقيقة .. الناس وهية بتتفرج من بعيد بالمنظر ده .. قعدت اشتم فيهم كلهم وفي الولاد اللي معاه وحواليه .. دي اول مرة اقف اشتم في الشارع كده .. الموقف خرج فيا جزء اول مرة أعرفه .. شتمت اللي واقفين كلهم قلتلهم يا خولات .. خولات ايه انتوا مش بني ادمين اساسا .. والناس برضه وقفت تتفرج لحد ما هو مشي وهوه بيتفرج عليا زي ما اكون كائن فضائي ..
نحتاج منك تسجيل الدخول للتعليق. تسجيل الدخول من هنا.