أنا ببعتلكم حاجة ممكن دي تساعد البنات انا كنت ماشية انا واختي ولاقينا واحد نازل من عربية نظيفة وهو شكلة نظيف جدا وفي مدينة نصر وقاعد يعاكس في واحدة قدامنا وبعدين لما بعدت لاقينه مكمل وراها وماشي بالعربية ونازلها تاني ولاقينا كذا ولد بدوؤا يجوا عشان يكملوا هما كمان معاكسة اختي زعقت في ولد كان لسة هيجي وقالتله احترم نفسك بس بشدة كدة وبعدين انا مسكت ايد البنت طبعا هي اتخضت كانت فكراني ولد بس قالتلها امشي معانا فبعدين لاقينة جاي تاني وهي مشيت بسرعة توقف تاكسي وانا رحت وقفتلة في وشة وزعقت فية اينعم مقلتلوش غير اية اللي انت بتعملة دة بس بزعيق هو قالي انتي مالك قالتلة يعين اية انا مالي اية اللي انت بتعملة دة بس راح الولاد قعدوا يقولوا خلاص يا آنسة ويهدوا الموضوع ولاقيتها ركبت التاكسي فخلاص اطمنت ومشيت انا عايزة اقول حاجة ملحوظة ممكن تضايق البعض البنت مش محجبة وممكن لابسها يكون مش محتشم وانا بلبس عبايات يعني اكيد مقتنعة بالاحتشام في اللبس بس فية فرق ما بين الفعل والفاعل ومابين ان حد بيعمل حاجة غلط وانك تقبل انو يتظلم او يعتدي عليه عشان الغلط دة عشان انا كمان بغلط وكلنا بنغلط مشكلتها هي ان غلطها ظاهر ويمكن الظاهر يكون اخف من الباطن معرفش في الاسلام انو ادي الحق لحد انو يعتدي ويظلم الاخر باسم ان هو بيعمل معصية الانسان اللي بيفكر بالطريقة دي هو ادي لنفسة صفة الحكم صفة لا يمكن ان يمتلكها الا الله اخرك مع حد بيعمل معصية هو النصح بس مقبلتش دة يبقي تدعيلها بالهداية وبس زي اي معصية تانية واحنا بنعمل معاصي اكبر بكتير وادعليها بالهداية والمغفرة لعل دة يكون سبب في ان ربنا يغفرلك معاصيك انت ولو كانت مسيحية يبقي مش من حقك تدخل في دين اخر يبقي اخرك انك تقف ضد الظلم والاعتداء .(المصدر: صفحة إفضح متحرش)

ادعم/ي الشخص اللي بلغ

أضف/ي تعليق شاهد/ي المزيد من البلاغات