في طريق مصر اسكندرية الصحراوي - كارتة اسكندرية, Alexandria, Alexandria (30.984090 29.814490)
امبارح كنت ع الطريق الصحراوي من القاهرة لإسكندرية بعد كارتة إسكندرية بشوية، حوالي الساعة 7:30 بالليل، فالساعة دي الدنيا ضلمة ومحدش شايف حد غير الطريق بالعافية...كنت قاعدة جمب والدي بصا ع الطريق قدامي سمعت حد بيسقف من ناحية والدي فبصيت ناحية الصوت عادي لاقيت واد سرسجي قاعد جمب السواق فعرابية بوكس تابعة لشركة 'السلاب' بيشاورلي بأيده وهو بيضحك زي الأهطل وبيقولي "أيييية !!"
-مقصود منها اية النظام يعني-
لاقيتني تلقائي بزعقله "مالك يا اهبل !!!" وأنا الحقيقة مابشدش مع الأشكال دي فوجود والدي احتراما لحضوره وان هو اللي يرد كرامتي، ولاقيت الواد بص لصاحبه السواق الناحية التانية وهو بيضحكله اول ما شاف تعبير وشي العصبي دة من غير ما يسمع انا كنت بقول اية لاقيت بابا بيقولي "ماتبصيش ناحيتهم خالص"
فانا استغربت ردة فعله وكنت حساه بيحضر رد فعل مناسب تجاههم فقولتله "ما بصش يعني اية !! ابن كلب وواطي وبجح وبيشاورلي اكيد انت مش بتغلطني" قولتله كدة وانا عارفة انه بيحضر لموقف هياخده حالا...
لاقيت العربية معدية تاني من جنبنا بس من ناحيتي وبتمشي على سرعتنا وقصادها فاضي..فبصيت ناحية السواق لاقيته بيضحك وهو سايق فعليت صوتي وشتمتهم وبصيت قصادي وبابا قرب ناحيتهم وشتمهم وكان على وشك يكسر عليهم لو تمادوا فالغلط فمدوا بسرعة بالعربية، ولحسن حظهم فضلوا متعلقين قصادنا شوية لحد ما حفظت رقم العربية السواق واللي معاه هيتقطع عيشهم إن شاء الله لأن والدي له معارف فالشركة دي، بس انا كتبت الرقم عشان تاخده حذركم لو قابلته العربية دي
نحتاج منك تسجيل الدخول للتعليق. تسجيل الدخول من هنا.