كنت ماشيه انا و واحده صاحبتى الساعه 10:5 كده جنب جامع الاستاد و بعدين لقيت صاحبتى فجأه بتزعق فى بسألها فى ايه قالتلى الحيوان ده بيعمل الليزر علينا و احنا مش واخدين بالنا من ضهرنا فقلتله احترم نفسك و اتلم قالى معملتش حاجه و كان بيخبى الليزر فى جيبه و كررتها كذا مره و مشيت مجرد ما اديته ضهره عمل الليز تانى رجعتله بقه و قلتله هات البتاع اللى فى ايدك ده و رفض يطلعه من جيبه و فى نفس الوقت ده كان فى عربيه امن مركزى من بتاعت القسم معاديه و العساكر اللى فيها كلهم بيتفرجوا و العربيه كانت ماسيه ببطء و بيتفرجوا و مفيش واحد منهم نطق بكلمه المهم جيه شويه عيال كده شكلها غلط انا نفسى بدأت اخاف منهم لانهم اكتر منى انا و صحبتى و احد منهم فضل يقولى خلاص خلاص معلش مش هيعمل كده و كان بيغمزلى كاننا نعرف بعد قلتله ده مش محترم المهم سيبناه و عدينا الطريق و بردوه عمل الليزر تانى رجعتله بقى و فى وسط الشارع و زعقت بعلو صوتى اصلك مش راجل انت واحد حيوان و مش محترم لو انت راجل ماكنتش هتخاف منى يا جبان يا حيوان و هو ولا فارق معاه و كان فيه ولد شكله اصغر منه قريب من راح يتخانق معاه فالحيوان ده لانه كان اكبر منه و هوه و صحابه كتير مانوا هيضربوا الولد فراجل كبير ادخل و مشاه كل ده و الناس ماشيه بالعربيات بتتفرج بس و انا واقفه فى مكانى مش راضيه امشى غير لما هما يمشوا لما مشيوا جه واحد منهم لسه بيفتح بقه و يتكلم زعقت فيه جامد فى الوسط الشارع و قلتله (ما انت لو راجل كنت فتحت بقه و خليته ميعملش كده لاكن انت زيه متفرقش عنه فى حاجه ده انت حيوان )
لقيت راجل ساب مراته و ولاده جه مره واحده و مسك الولد ده من هدومه و بيسالنى فى ايه و هو بيضربه و نزل فيه ضرب و الناس اتجمعت ....اكتر حاجه استفزتنى ان واحد جه يقول للراجل اللى بيدافع عنى هى قريبتك؟؟ تعرفها؟؟
يعنى انا لازم اكون قريته او يعرفنى عشان يدافع عنى !!!
فعلا احنا فى زمن يعانى من بقايا الرجوله.....

ادعم/ي الشخص اللي بلغ

أضف/ي تعليق شاهد/ي المزيد من البلاغات