at Downtown - Ramses St., Cairo, Cairo (30.071620 31.277910)
كنت ماشية ف رمسيس رايحة ف اتجاة العربية الي هركبها علشان اروح، و كنت لسة راجعة من سفرية و معايا شنطة سفر صغيرة و شنطتين في كتفي و كنت معدية من قدام واحد راكن نفسو على عربية و كنت حريصة كل الحرص اني ممشيش بالشنطة على رجلو علشان مساببلوش اذى!!
يقوم الاستاذ يجبني من فوقي لتحتي و اسمع "اية يا كلابيظو" انا سمعتو اتجننت انا لقيتني برجع بالشنطة لوره و بقصد ادوس بيها على رجلو المره دي، بل شلتها و بقيت اخبطو بيها، و دة واقف مزبهل، و من قمة عصبيتي محسيتش ان الشنطة بتوجع قوي ، فقررت اني هضربو بايدي على كتفو، و فعلا لطشتو كف محترم و طرقع!!
انا قلت لا كدة كتير هيلطشلي..
نزلت علية شتايم بقى و كل الي جي عليا "يا متحرش يا زباله" "انا ممكن اخدك قسم الازبكية و احبسك 6 شهور"
كنت شريرة قوي ^_^ و في الاخر جيه راجل كبير ممكن ف الاربعينات مستفز و حاش عنو و قالي "خلاص بقى يا أبلة" اكتر حاجة غيظاني ان كان في واحدة ست علة بعد 3 متر مني و مبرقة و مصدومة و معملتش اي حاجة. بس انا فخورة بنفسي لو كان عليا كنت موتو ضرب.
Sorry, you need to be logged in to comment. Log in here.