at Cairo Aiport Hotel, Cairo, Cairo (30.120840 31.402270)
امبارح كنت في فندق في المطار، مستنى صاحبتي الاجنبية في اللوبي لانهم قرروا يسفروها بلدها نتيجة الاحداث في مصر. صاحبتي قابلتني عند الريسبشن و طلعت لاوضتها تجيب حاجة. بنت في قمة الاحترام و الادب. هي اصلا في الطبيعي بتلبس كم طويل و بنطلون واسع و فضفاض.
المهم انتظرت في اللوبي لغية ما تنزل. جالي شاب صغير (ممكن يكون سنة اولى او ثانية جامعة) و شكله نضيف (من برة بس)
و قالي من غير مقدمات: " هي الاجانب بتتدق بالسهولة دي؟"
انا مصدقتش وداني و قلت له "ايه؟
كررها تاني و بكل جراة.
ساعتها زعقت له و قلت له انت مش انسان محترم و انت انسان قذر، امشي من هنا يالله،انت انسان مش محترم (حاولت امسك اعصابي و ما اتخانقش، احنا في فندق المطار). هو كان مُصِرّ و عايز يسأل السؤال و شايف ان ده حاجة عادية.
قلت له لو سمحت سبني في حالي و ابعد حالا! انت مش انسان متحرم، و بدأت ابص ناحية بتوع الامن عشان يطلعوه
بعدها قعد يعتذر و قول لي انا اسف و ساعتها اتكسف و رجع قعد في مكانه.
حاجة تحرق الدم! الناس دي بتفكر ازاي
Sorry, you need to be logged in to comment. Log in here.