at شارع السفارة البلجيكية بجانب مدرسة ام المؤمنين الثانوية بنات ,العمرانية, الجيزة, الجيزة (29.990770 31.173280)
كنت فى المدرسة و مروحة وفى شباب صغيرين و كبار كانو واقفين انا لابسة طبعا الجيبه و التيشرت بتوع المدرسه و اتنين من اللى كانوا واقفين لمسونى واحد من قدام و التانى من ورا انا كمان كنت حاسه انهم هيعملولى حاجة انا لقيت اللى من قدامى هيلمس منطقة الصدر انا شلت ايدو و ضربتو قلمين طبعا اللى ورايا شاف المنظر دة و صاحبه بيضرب خاف و قام جري و طبعا اللى ضربتو مسكتش قال الفاظ لا يمكن تحملها و رحت ماشية كنت ساعتها انا و صاحبتى ماشيين و انا معروف عنى انى مبحبش الدلع و المياصه فى الشارع ف بمشى زى العسكري مشينا فى شارع خاتم المرسلين عشان نروح لقيتهم جابو ولاد اكتر و كبار و دي كانت المصيبة اللى انا اتحطيت فيها و ابتدوا ينادو علينا و يقولوا الفاظ مش محترمه انا فضلت ماشيه بس كنت بمد اوى و كان فى كشك فاتح الراجل اللى فيه لاحظ الصوت العالى بتاعهم و طلع من الكشك و قالى فى ايه قولتلو فى مجموعة من الشباب كانو هيتحرشو بيا و انا ضربت واحد فيهم بس لاقيتهم جايبين ناس كبار وكدة ف قالى طب امشى و انا هظبتهملك طبعا انا و صاحبتى خدناها جري وكان فى قهوه و ناس كتير قاعدة راح قالهم و قاموا كل اللى ع القهوة وراحو مسكوهم ضربوهم جامد
Sorry, you need to be logged in to comment. Log in here.