at شارع الهرم، Al Omraneyah, Giza, Giza (30.005790 31.194870)
كنت راجع من شغلي في مصر الجديدة أنا ساكن في شارع الهرم فركبت المترو من رمسيس لحد محطة مترو الجيزة اللى في اول نفق الهرم عديت النفق وركبت عربية مكروباص تانية علشان اكمل لحد البيت في شارع الهرم وكان الكلام ده حوالى الساعة 7 مساءً .. قبل ما اركب الميكروباص كان فيه بنتين راكبين في الكنبة الأخيرة وكنت أنا وراجل تاني عايزين نركب .. المهم اول ما السواق وقف علشان يركبنا لقيت واحدة من البنات اللى راكبين نزلت من الميكروباص وبكده كان فاضل بنت واحدة في الكنبة الاخيرة ركب معايا راجل حولي 35-36 سنة وكان لابس جاكيت وبلوفر وبنطلون ركب هوه جنب البنت اللى كانت عمالة تتكلم في الموبايل طول الطريق وكان سنها حوالى 25 أو 26 سنة ولابسة بنطلون جينز وبلوزة صوف .. بعد ما السواق اتحرك بينا كا فيه مكان فاضي جنبي أنا لسه يا دوب خطوتين وشاور واد عنده حوالى 17 سنة ركب جنبي فبقيت انا في النص في الكنبة الأخيرة وجنبي على الشمال الراجل الأولاني وجنبه البنت اللى كانت راكبة من الأول وعلى يميني الوالد الصغير ده وأحنا في الطريق لقيت البنت بتقول للراجل اللى جنبي على الشمال تصدق إنك راجل قليل الأدب ومعندكش دم كل اللى في الميكروباص استغربوا من اللى بتقوله البنت والغريب ان الراجل ما ردش عليها خالص في البداية لقينا البنت بتقوله يالله انزل يا حيوان من العربية أحسنلك الراجل برضه متكلمش كان ماسك شنطة بلاستيك في أيده أخدها وقالها اهوه انا خلاص هنزل علشان أريحك .. السواق وباقي الركاب قالولها أيه اللى حصل يا آنسة البنت مردتش في الأول .. فكان معاها تليفون بتتكلم فيه والظاهر إنها كانت بتكلم خطيبها فسألها في التليفون أيه اللى حصل قالته في التليفون برضه واحد حيوان مسكني من صدري فزعأتله ونزلته من الميكروباص الحاجة الأغرب أن الراجل بعد ما نزل الستات التانيين اللى كانوا راكبين الميكروباص قالوا للبنت سايبيه يا بنتي أهو نزل وخلاص ومحدش حاول يعمل للمتحرش حاجة .. ولا البنت نفسها طلبت المساعدة من حد وكملت المكالمة عادي خالص
Sorry, you need to be logged in to comment. Log in here.