at Found on facebook, No City/Country (30.051930 31.233530)
لحظر الساعة 7 وآخر مترو الساعة 5 ونص .. الساعة 4 ونص كان المشهد كالاتي :
ملايين من البشر بيحاولوا يركبوا المترو , عربيه الرجالة مش مكفيه, فالرجاله بيركبوا عربيه الستات " المتكربسه أصلا بستات فوق بعض" , طبيعي بيحصل تحرش, الستات تصوت وتقرر إن الرجالة تنزل , رجالة بتنزل ورجالة لأ .. رد واحد منهم: أنا أصلا *** ومش نازل والتاني : أنا راجل في البتشاقه بس يا أبله
ما علينا
الساعة 5 , المترو على اخره ستات ورجالة وزعيق وصويت , رجاله مصره برده تركب عربيه , تعمل إيه ؟تعمل صف طويل وتخش تزق الستات اللي على الباب ويبدأوا وصله شتايم والتهديد بتقطيع اللي هتفتح بقها بمطوة ورش عليها ميه نار .. وينتشر الرجالة بطول العربيه وتبدأ وصله اعنف من التحرش والصويت والزعيق ..
ماعلينا
آخر باب في المترو زحمه الرجالة اخف , قررت أنزل , بنات وستات بيعيطوا بحرقه ..حصل إيه يا جماعة .. بيحكوا عند محطه الشهداء انهارده ست وهي نازله لقيت طابور الرجالة في وشها بيزقوها شتمتهم إتنين اخدوها على رصيف المحطه ضربوها اجهضوها .. الستات صوتت وعيطت بس المترو كمل ومشي "والباب مفتوح " عادي !
Sorry, you need to be logged in to comment. Log in here.