انا من فتره كنت بروح احفظ قرآن ف المقرأه وكنت ماشيه الساعه 9 الصبح لابسه عبايه واسعه وماسكه ف ايدى المصحف وماشيه ف شارع عمومى بس مكنش فى عربيات عشان الاشاره ادام كانت قافله وانا ماشيه لقيت واحد جاى من ورايا راكب موتوسيكل وخبطنى خبطه جامده جدااا من ورا ومن شدة الخبطه انا جريت لأدام كام خطوه كدا وهو جرى بالموتوسكل ،، طبعا من الخضه معرفتش انطق بأى كلمه ولا حتى اخد رقم الموتوسكل ،، بجد كان نفسى اخد الرقم واروح ابلغ عنه او اعمل اى حاجه بس حسبى الله ونعم الوكيل انا متأكده ان ربنا أخدلى حقى
الكلام ده فى محافظه الاسماعيليه ف شارع رضا امام ستاد الاسماعيلي وشارع حيوى جدا مش فاكره يوم ايه بس كان الساعه تسعه الصبح وانا مخلصه بكالوريوس تجاره وعندى 25 سنه وهو تقريبا مثلا عنده حوالى 30 سنه

Express Support

Add Comment View More Reports