at No Address, Ismailia, Ismailia (30.592350 32.265150)
انا حصلى النهارده تحرش في الاسماعيلية، عند مزلقان التلاتينى حوالى الساعة 9 ونص مساءا تقريبا ...فوجئت برجل سنه كبير فى ايده حاجة زى ما سورة كده وبيزقنى من ورا فجأة لقيت نفسى بصوت وادورت وضربته بايدى ضربته بضعف رهيب كدا مش عارفة ليه وكان فى شابين واقفين شافوا اللى حصل راحوا جم شتموه وضربوه كتير قدامى انا محسيتش بنفسى غير وانا عماله امشى وخلاص واعصابى سايبه جدا وبعدين وقفت فى مكان وروحت رجعت تانى شكرتهم جدا على اللى عملوه بجد كتر خيرهم حسيت انى اخدت حقى الولدين دول مسيحين شافوا بنت محجبه بتتعرض لده اول حاجه الحت عليهم انسانيتهم ونخوتهم يدافعوا عنها بجد انا بشكرهم جدا وعايزة اقول لكل واحد مش مدرك التحرش بيعمل فينا ايه انك تتعلم تمشى فى الشارع تبص وراك وجانبك وتبقى عينك فى وسط راسك انك تنسى تحس بالامان فى شوارع بلدك اللى اتربيت فيها واتحفظت جواك احنا بقينا كده ........ شكرا لصفحتكم
Sorry, you need to be logged in to comment. Log in here.