هو انا كنت رايحة وقتها مع واحدة صاحبتي لخطوبة كانت مقامة في "الماسة"، ومشينا من طريق الشرقاوية ده بمحازاة الترعة.. تقريبًا مفيش دقيقة عدت واحنا ماشيين، الا ونلاقي حد بيشاور او بيقول حاجة، وفئات واعمار مختلفة، يعني مثلا منهم توكتوك، عربية النص نقل دي، حتى العربيات الملاكي.. ومثلًا حد بطأ كده، وبيسأل لو "فاضي" ف اشارة طبعًا لتقديم خدمة جنسية مقابل اي حاجة هو يعرضها، او كلام ذو طابع جنسي، او حتى حجات من نوع "ياواد يابت" او تعليقات "عنصرية" على شعري الكيرلي..

ومعملناش اي حاجة وقتها، لان تركيزنا ع اننا نحافظ ع مودنا كده لحد مانخلص الخطوبة، ده غير ان الشارع ده تقريبًا منعدم من التواجد الأمني، ده غير ان مفيهوش حركة ناس اوي.. ف الغالب لو كنا ردينا، كنا هنجلب لنفسنا troubles اكتر منها ناخد حقنا.