كنت ضمن مجموعة "الأمان" في مجموعة قوة ضد التحرش لحماية الميدان من التحرش العنيف /الاغتصاب الجماعي بالميدان. تجمعنا حوالي٦:٤٠ مساء في اول ش. طلعت حرب , وقتها عرفنا من الشباب ان حالات التحرش بدأت بالفعل و ان الشباب اللى كان متواجد وقتها وصل للبنات و قدر ينقذهم ,, كان الجو متوتر بالفعل و على حوالي٧ او ٧:١٥ اتحركنا لموضعنا اللي اتفقنا عليه عند هواية المترو بجوار شارع طلعت حرب,, ف نفس الوقت كانت قنابل الغاز من شارع القصر العيني اقتربت من الميدان و ريحة الغاز بدأت تنتشر فكان عدد ضخم من الناس بيتَجه ناحية شارع طلعت حرب للهروب من الغاز و كان التدافع رهيب ,
وصلنا وِجهتنا و كنا مجموعة الأمان و مجموعة الاشتباك بس كان كابتن مجموعة الاشتباك لسه ماوصلش لينا , بعد حوالي 10 دقائق بالأكثر حصل تدافع قوي و شوفنا تجمهر قريب من الهواية عرفنا وقتها ان فيه بنت بيتم التحرش بيها (انا ماشوفتش البنت) مجموعة الاشتباك اتحركت لأنقاذها و مجموعة الأمان -المكوّنة من أنا و بنت و ولد ماكنتش لامحاه وقتها- حاولنا الاقتراب من التجمهر عشان ناخد البنت فى حالة انقاذها ( و هو ما كان دور مجموعة الأمان من الأساس) وقتها بدأ ناس يعملوا علي انا والبنت دايرة و التحرش بالفعل بينا و كان كلامهم لينا " اخرجوا برة من هنا انتوا بنات هاتتبهدلوا .. " في خلال دقايق كنا تخلصنا منهم و وصلنا لمجموعتنا على الرصيف اسفل هواية المترو , و كان وقتها افراد من مجموعة الأشتباك حاميانا بالعصيان و صاعق كهربي لمنع الناس من انها تقرب مننا ,, مجموعة تانية من الناس حاولت تطلعنا الهواية لكني لمحت بنت من مجموعتنا كانت بتزعق في الناس فوق عشان بيتحرشوا بيها , و بعد ما دفعهم لينا خلانا نطلع على الهواية قدرنا ننزل تاني في ساعتها , وقتها ابتدت أيادي كتير تشد فينا و أنفصلت عنهم و بدأت المرحلة التانية من التحرش الجماعي بي ( عرفت وقتها انه كان في نفس الوقت بيتم التحرش بأكثر من بنت من مجموعتنا) , مش فاكرة كل التفاصيل بعد الشد غير ان كل الأيادي من كل ناحية كانت في كل منطقة من جسمي ( كل الأحداث اللي اتروّت في اي شهادة عن حالة تحرش جماعي) ما بين مسكهم لي بكل الطرق الممكنة و ما بين صراخ ناس بتشتم فيهم و ناس بتقولي قومي ( لأن كان فيه اوقات رجلي بتخونّي مبقدرش أمشي معاهم) , مش قادرة احدد الوضع دع استمر ربع ساعة او يمكن أقل , في أثناء التحرش بيّ كان السويت شيرت اللي لابساه اترفع و اى حاجة لابساها تحتيه اترفعت و قدرت في النص أني أنزله تاني,, آخر محطة من البهدلة كان فيه ناس معرفهاش (أعتقد كانوا بيحاولوا يخلصوني) سابوني على الأرض من غير لمسي و كانوا بيشخطوا فيّ أني أقوم عشان المتحرشين مايخدونيش تاني, قومت و ساعتها شوف ولد من مجموعة الأمان قدر انه يوصلي و الناس حوالينا بتحاول تضربه شكا فيه انه متحرش , صراخ مني ان ده أخويا سيبوه كان بيخليهم يهدوا عليه شوية , بعد كده الولد اداني نضارته و حاول يضرب الناس حوالينا و ماشوفتهوش بعد حاول كده , كان معايا بعديها شخص معرفهوش كان بيحاول يحميني (على ماأظن) الأحداث دي حصلت متسارعة لحد ما قدروا يوصلولي اتنين من مجموعة الأشتباك انا اعرفهم بعد عناء قدروا يأمنوني, طول الفترة دي انا متأمنة من ضهري ب "نَصبة شاي و سندوتشات" عاملة شكل حرف ال
و دى كانت حماية كويسة لي قدرت آخد نفسي لحد ما نلاقي مخرج بين المكان اللي احنا فيه (كنا وقتها في نص الشارع) و بين عمارة معيّنة فيها ناس نعرفها , الناس قدرت تفرق التجمهر و اتحركت مع الولدين ناحية العمارة لكن كان فيه السور اللي بيطوّق معظم وسط البلد , و عشان كان خطر انه يرفعوني فوق السور للوصول للعمارة , كان وقتها وصلتلنا عربية اسعاف , ركبت انا و الولدين و و صلنا أقرب بيت أمان . دي كل شهادتي عن اللي حصل في جزء معين من اليوم ده بكل احداثه البشعة من اعتداء على بنات كثيرة كان منهم بنات قوة ضد التحرش .

Express Support

Add Comment View More Reports