at Al Maadi, Cairo, Cairo (29.960170 31.257890)
انا طالبه جامعيه .. المترو هو المواصله اللى بركبها عشان اروح الجامعه
انا للاسف من الناس اللى مقتنعين ان مفيش حاجه اسمها عربيه رجاله
يعني انا اركب في العربيه اللى تعجبني و غصبن عن اللى موجودين فيها يحترمونى
المهم كنت راكبه المترو في العربيه الاولي و على حوالي الساعه 8.30 الصبح كدا (( في الوقت دا زحمه المترو بتكون مش موجوده تقريبا ))
المهم انا قعدت في الكراسي اللى هي بيبقي 4 مع بعض دي
جه واحد عمرة حوالي من 40 لـ 45 سنه لابس بنطلون قماش بيج و قميص مقلم بيج و هو جسمه رفيع
قعد قدامى مع ان العربيه كلها فاضيه اساسا .. طبعا انا بقيت خبره و بقيت اشم ريحه المتحرش عن بعد .. عرفت انو حيوان من الحيوانات
المهم بعدها بشويه جه راجل قعد جمب المتحرش دا .. راح المتحرش قام و قعد جمبي
طبعا انا كالعادة خوفت و اعصابي باظت و بطني وجعتنى و حسيت ان هيغم عليا خلاص مع انو كان لسه ملمسنيش
المهم قلت انا هشغل نفسي في اي حاجه عشان متوتر اكتر من كدا
طلعت كتاب و قعد اقرا فيه .. لقيت الحيوان ابتدي يفرك في مكانه و عمال يفتح في رجليه و يخبطني بايديه
سكتت اول مره .. بعدها بشويه ربع ايديه راحت ايدو خبطت في جمبي
و فضل سايب ايدو بقي كدا
انا في اللحظه دي ولله العظيم كل اللى جه في دماغي اللحظه اللى انا فيها دي دلوقت .. انى على الصفحه و بكتب تجربتي مع الحيوان السافل دا و ابتديت اراجع القصص اللى كنت بقراها و بحس بوجع البنات فيها و حرقه قلبهم و دمهم .. فجأه كدا
لقيتني .. بوطنى بجيب الجزمه اللى لبساها
اول ما شافني بعمل كدا راح قام .. اسيبو يقوم ؟؟؟؟؟؟؟؟
لااااااااااااااااااااااااااااااااااااااااااا يا حيلتها
قمت وراه و نزلت ضرب ضرب ضرب ضرب على دماغ اممممممممه الحيوان السااااافل الحقيييييييييييييير
بجزمتي اللى اشرف من اهله و على دماغه و مقدرشي يفتح بؤه الكلب الحيوان
الناس طبعا محدش اتكلم .. و لسه الراجل بيقولي ايه يا بنتي انا عملتلك ايه .. رحت قلتلو اخرس يا حيواان يا ساااافل .. المترو كان وصل للمعادى .. اول ما الباب فتح راح هو نزل
مش قادره اوصفلكو انا فخوره بنفسي قد ايه
انا بجد بت ب100 راجل
Sorry, you need to be logged in to comment. Log in here.