at Qesm Al Fayoum, Faiyum, Faiyum (29.306960 30.846620)
كنت طالعه من النادي مع اصحابي و ماشية و بضحك و فجأه لقيت واحد بيتحرش بيا و محدش خد باله من اصحابي!
ف اتعصبت و زعقت و شتمته و كنت هضربه بس طلع يجري و سابلي صاحبه قال ايه عشان يهددني و اخاف بس انا متهزتليش شعرة و كنت مش خايفة !
و اصحابي فاكرينه قال كلمتين و خلاص و بيهدوني عشان عارفين اني بطبعي عصبية بس واحدة منهم لما لقيت صاحبه واقفلي و بيهددني زعقتله بس برضوا ماكانتش فاهمة ايه سر عصبيتي المبالغ فيها دي
اللي انا عايزه اقولوا لكل بنت بيتم التحرش بيها اوعي تسكتي!! ده حقك و ان انت مجبتيش حقك محدش هيجبهولك ف بلدنا دي!
احمي نافسك و اللي يكلمك ب اوسخ حاجة و انزلي بيها على دماغه!
و اللي يقولولك عيب كده قوليلهم و اللي هو عملوا مش عيب!
متسمعيش كلام النا عشان كلامهم مش هيفيدك بحاجة
خدي حقك! انت حره و هتفضلي طول عمرك حرة!
و لمعلوماتك هو اصلا بيبقى مرعوب من جواه و مبيبينش عشان انت تخافي و تسكتي و اي رد فعل هيعملوا هيبقى من خوفوا من اللي انت و الناس اللي هتلميهم هيعملوه فيه و ف اشكاله الوسخة!
Sorry, you need to be logged in to comment. Log in here.