at بالقرب من الجمعية الزراعية ,العجوزين, كفر الشيخ, كفر الشيخ (31.161730 30.759480)
هاجر اول مرة اتعرضلها الحيوان ده كانت راجعه من الامتحان اخر السنه كانت رايحه تراجع اجابتها معاه لانه في الليلة اللي قبلها كانت جيلها حصة
مراجعة لليلة الامتحان في البيت عندها وكان اكد عليها تيجي مكان المجموعة علشان تراجع اجابتها
الاوضة بتاعة المجموعه اللي هاجر وزملاتها كانوا بياخدوا فيها جنب باب شقته بالظبط دخلت ملقتهوش فيها وملقتش حد فيها فخبطت علي باب شقته فرد وطلع فهي توجهت لاوضة المجموعة
طلب منها انها تدخل الشقة بحجة ان الاوضة مش نظيفة ولسه متكنستش
ولأن هاجر وزملاتها كانوا متعودين يدخلوا شقته عادي لانه كان بيخليهم وقت الاذان يدخلوا يصلوا مع مراته جوه وكان هو ينزل بالاولاد في الجامع فكانوا متعودين علي البيت وعلي مراته وبنته الصغيرة فهاجر دخلت علي الاساس ده
وعلي اساس ان مراته وبنته دايما موجودين واهله في الدور اللي تحت
بس لما هاجر دخلت فوجئت ان مفيش حد موجود في الشقة وباب الشقة اتقفل
حاول يعتدي عليها بعنف .. البيت كان فاضي ومحدش سمع صراخها ..
بس جت ارادة ربنا ان والدته تكون تحت وتنده عليه فارتبك ونزل يرد عليها ومقفلش الباب وراه كويس فقدرت تنزل وتهرب
بعد مرور شهر من الاجازة جه لبيت هاجر وعرض عليها انه يبدأ معاها الدروس بدري بحيث تخلص المنهج بدري و والداتها طبعا وافقت علي عرض زي ده واتفقوا انه هيجي ويديها في البيت
هاجر حاولت تقنع والدتها انها مش عايزة تاخد مع المدرس ده واتججت بأنه مش بيشرح كويس وانها مش بتفهم منه والدتها طبعا رافضت لانها كانت معتقدة ان هاجر بتقول كده علشان مش حابة تاخد درس في الاجازة وانها بتتهرب من الدروس فرفضت رفض تام وأنّبتها وكمان لانه هو المدرس اللي كان بيشرح كويس في حدود القرية
البنت توقعت انه عمره ما هيتجرأ ويتعرضلها تاني وخصوصا وانها بقت بتاخد في بيتها ف مستحيل يتجرأ يتعرضلها في بيتها
كان بيجيلها العشاء والاوضة اللي كانت بتاخد فيها درس بعيد عن باقي اوض البيت وفي الوقت ده والدتها كانت بتبقي خلصت شغل البيت وبتكون في اوضتها بتتفرج علي التليفزيون واخواتها نايمين او بيلعبوا تحت
كان بيتعرضلها وبيعتدي عليها بمنتهي القذارة والعنف كان بيقلعها وكان بيرفع عبايته
وكانت بتتعرض لكدمات اثناء محاولتها الدفاع عن نفسها
كان حريص ان صوتها صريخها ميوصلش للبيت بره كان بيكممها بأديه وبحركات سريعه جدا ومدروسة يدخل ايديه التانيه في جسمها ويحاول يقلعها ويرفع هدومه ويعتدي عليها
هاجر رجعت تاني تطلب من والدتها انها متخدش درس عند الحيوان ده وتتحجج بأي حاجه بس لاقت رفض وتأنيب شديد
خطرتلها فكرة ان اختها الصغيرة تاخد معاها درس علوم وبكده متكونش لوحدها وميتعرضلهاش تاني ... كان بيخلص لاختها الاول ويخرجها وبعدين يدي هاجر او بالاحري ينتهكها ....
كانت لما تدعي عليه او تقولوه حسبي الله ونعم الوكيل كان يقولها بمنتهي الوقاحة والسخرية "ههههههه انتي لسه سليمة نحمد ربنا "
او كان يتنرفز عليها انها ازاي تقول كده علي واحد محترم زيهه بيصلي وبيحفظ القرآن
او يقولها انا بعاملك زي ما بعامل بنتي لو مش عاجبك انا اسف
او يقولها انه هيقول لمامتها انها بنت مش كويسة
او مرة اتنرفز ورمي الكوباية اللي كانت قدامه ...... الخ من الوقاحة
البنت بعد ما سئمت من الوضع ومن العنف والاشمئزار اللي بتتعرضله كل اسبوع ومحدش قادر يسمع صوت صراخها
طلبت انها ترجع المجموعه تاني بحيث انها تاخد مع البنات وتروح معاهم وتبقي وسطهم علطول ... اتفق مرة مع باقي الطلاب علي تغير ميعاد الدرس وطبعا ميعاد التغير موصلهاش فجت في الميعاد القديم طلعت ملقيتش حد نزلت تروح نده عليها من اوضه في ضهر البيت وقالها تعالي احنا هنا توقعت انهم غيروا مكان الدرس راحتله ملقيتش حد غيره .والاوضة فاضية ......................
الحيوان ده كان اعتدي عليها اكتر من مرة بمنتهي العنف والقذارة وكان حريص ميسيبش دليل عليه بأنه يفقدها عذريتها
هاجر مكنتش عارفه تتكلم وتقول لاهلها علي اللي اتعرضتله بسبب مشاكل أُسرية كانت موجودة في البيت
هاجر كانت بتواجه نوع اخر من العنف في البيت وده خوّفها ومنعها من انها تعرف تتكلم وسط الذعر والعنف اللي كانت بتشوفوه في البيت . .خافت . . .
كانت منتظرة اليوم اللي اوضاع البيت هتهدي فيه وتتكلم وتاخد حقها . .
هاجر حاليا ف 1 ثانوي
مر علي اللي هاجر اتعرضتله حوالي سنه وخلال السنه دي كانت نقلت اسكندرية
توقعت انها ممكن تخلص من الكابوس اللي عاشته بمجرد ما تتخلص من الوحش ده وبمجرد ما تبعد عن المكان وطبعا حالتها بتتدهوراكتر ونفسيتها بتتشوهه اكتر بمرور الوقت وبقيت بتعاني من هستيريا وكوابيس "خصوصا وانها كانت اتعرضت لحادثة مشابهه وهي صغيرة في نفس القرية برضو"
هاجر وبعد ما اتكلمت واجهت حرب في البيت وجحيم من نوع اخر واتهامها بالفضيحة والعار من المجتمع والوسط المحيط بيها
هاجر دلوقتي بتحاول تاخد حقها وبتحاول تعاقب المجرم ده وبتواجه ردة فعل المجتمع عليها من تكذيب لأهانه لتطليع اشعات
ومحاولات لاسكاتها
واتهامها بالفضيحة والعار من المجتمع والوسط المحيط بيها
ولان الواقعة تمت في الريف وبما ان الريف ماشي بالنهج القبلي فكتير من الاهالي متضامنه معاه وبيتستروا عليـه و وصلت بيهم الدناءة انهم لسه بيسمحولوه يكون مُعلم لبناتهم
برغم ان هاجر نزلت بنفسها و وزعت ورق كتبت فيه ملخص اللي اتعرضتله وكتبت بيانات المجرم ده في الورق بصورة صريحة
علشان تمنع انه يكون في ضحيا جديدة وتمنعه من مهنته اللي سمحاله ومدياله الفرصة والمتسع انه يمارس قذارته بكل ارياحيه مستغل سكوت البنات وخوفهم
هاجر نزلت ومخافتش علشان تطالب بحقها وحق كل بنت اتأذت وتحمي اي بنت تانية كان ممكن تتأذي وفي المقابل حاربوها بعقول مسرطنة مريضة
وهاجر مازلت بتحاول تاخد حقها وسط العفن المجتمعي ده
فأرجوا من حضراتكم بما انكم مجموعه من الناس قررت انها تقف وتساعد البنات اللي اتعرضوا للعنف الجسدي والنفسي ده
انكم تساعدوا هاجر في ان صوتها يوصل للناس لأنكوا بتوصليكم لصوتها بتحموا بنات كتير من انهم يتعرضوا للعنف ده
وبمساعدتكم لهاجر انها تاخد حقها بتزرعوا في الريف ثقافة ان البنت متسكتش وتتكلم وتصرخ وتطالب بحقها وتكون مؤمنة انها مش هتكون لوحدها وهتلاقي اللي هيساعدها انها تاخد حقها
Sorry, you need to be logged in to comment. Log in here.