at شارع الهرم، Al Omraneyah, Giza, Giza (29.986110 31.139500)
انا كنت راكبة ميكروباص الأسبوع اللي فات من الشيخ زايد للهرم و الكنبة اللي ورايا كان فيها تلاتة صحاب و عمالين يستظرفوا و يضحكوا بصوت عالي و يشتموا و حاجة ف منتهى القررف لدرجة ان سواق الميكروباص نفسه زعقلهم ..أول ما نزلت واحد فيهم مشي ورايا و صحابه وراه بشوية و هو قاعد يستظرف بالكلام و لقيته بيقرب أوووووي مني و كان خلاص هيمد ايده روحت قالعة الجزمة و ضرباة و صحابه هما اللي قعدوا يزئوة عشان يمشي بس طبعا بعد ما خدت كمية شتايم منه ليا و للزمن لأنه مكنش متوقع رد فعلي ده و للأسف مفيش دكر حتي وقف يسألني في ايه ولا يدافع مع العلم أني محجبة و لبسي مش ملفت ولا ضيق للناس اللي هتفتح بقها بالكلام الفارغ ده !! و الكلام ده كان ف شارع الهرم الرئيسي عند مشعل و الساعة 1 الضهر.. كان نفسي أصوره بجد بس للأسف ملحقتش .. ياريت أي واحدة تتعرض للقرف اللي بقينا نشوفه كل يوم ده متسكتش :
Sorry, you need to be logged in to comment. Log in here.