at Cairo University, Trereet Al-Zomr, Been Al-Sarayat, Giza, Giza, Giza (30.025970 31.201190)
انا عايزة ا-Share واقعة حصلت معايا تاني يوم دخول الجامعات في جامعة القاهرة و اللي معروف انه كان في مظاهرات يومها، بوابات الجامعة كلها كانت مقفولة و مافيش غير بوابتين صغيرين جداً عند البوابة الرئيسية اللي كانوا بيتفتحوا كل نص ساعة او ساعة يدخلوا او يخرجوا منها الناس و ده طبعاً معناه ان في تكدس و زحمة و دي الفرصة اللي بيستغلها المتحرش عشان يعمل عملته و محدش هيعرف يميز هو مين في وسط الزحمة و ده اللي حصلي لما البوابة اتفتحت و دخلنا مجموعة بنات بس للأسف الناس كانت بتزق ف اتفرقنا و واحد انتهز الفرصة و مد ايده طبعاً لفيت معرفتش مين ولا مين وسط ناس بتزق و لخمة الأمن الإداري “افتحي شنطتك” ف زعقت بصوت عالي “في اييه” و مشيت بس حسيت بالعجز .. انا بس بقول مش عشان حاجة بس عشان للأسف وقت المظاهرات بيحصل هرجلة و مافيش سيطرة على الموقف و بينتج عنه التحرش بالصورة دي فا ياريت في الأوقات دي بالذات البنات تاخد بالها و الواقعة دي حصلت لأتنين كمان معايا في الدفعة في نفس اليوم و اكيد في غيرهم
Sorry, you need to be logged in to comment. Log in here.